|
非無綫「親生仔」的張智霖（Chilam）聽教聽話，且落實明年再「歸隊」拍劇，有指今年台慶頒獎禮，他分分鐘揮低三屆視帝黎耀祥奪獎。而他的好拍檔吳鎮宇則謙稱仍需努力，並大方恭喜Chilam旗開得勝。 向來被視為「無綫台慶頒獎禮熱身賽」的馬來西亞Astro頒獎禮於12月1日揭開序幕，無綫「非親生仔」Chilam憑《衝上雲霄II》人氣急升，且特意請假出席撐場，難怪盛傳視帝寶座已十拿九穩，更有指他很大機會於12月16日舉行的無綫台慶頒獎禮上，順理成章再下一城。而早前Chilam簽約新經理人公司前，無綫曾出「重酬」搶人，雖然最後合作告吹，但Chilam與無綫關係日趨緊密，除已落實答允明年合作開拍《衝》劇的電影版外，有指無綫方面已和他達成協議，明年再歸隊拍劇。 獎項多多都歡迎 Chilam昨日接受電話訪問說：「我係會出席Astro喎！因為11月30日我會喺馬來西亞舉行演唱會，都係留多一日啫！（TVB搵你再拍劇？）係有咁嘅打算，都已經傾過吓，如無意外會係出年下半年嘅時裝劇。成件事雙贏又冇負面因素產生喎！咁點解唔做呢？（聽講你今年攞硬視帝。）獎項嘅嘢我多多都歡迎，但平常心啦！（你唔係親生仔都對你咁好？）如果成真，咁咪證明佢哋公平囉！（唔驚畀人話拍劇換獎？）乜有得換咩？我以前年年都拍一套，又唔見頒個獎畀我？哈哈！」 鎮宇大方送祝福 而同是《衝》劇男主角的吳鎮宇則謙稱未收到Astro方面的邀請：「祝Chilam旗開得勝啦！其實唔係咁多頒獎禮邀請我出席，即係證明我還需努力囉！（無綫視帝有冇信心？）我覺得機會唔大，但無論如何TVB係我母校，我出年都會返去拍劇。」 此外，同是大熱之一的黎耀祥坦言看好Chilam及吳鎮宇，提到Chilam不是無綫親生仔，他說：「呢樣嘢唔重要，最緊要觀眾認同！」問到台慶頒獎禮有沒有信心？他說：「普通啦！都係睇大家反應，始終佢哋嗰部《衝上雲霄II》係大製作。（蝕底啲？）少少蝕底啦！佢哋套劇的而且確各樣都好受落。」至於楊怡受訪時亦說：我覺得獎冇話親唔親生攞呢回事，邊個演員做得好，觀眾就會投票。」問到看好誰奪視帝獎時，她笑說：「唔好話睇唔睇好，我希望拍檔馬國明有機會攞，希望孖住自己都有機會。」  支持cool魔拿視帝。。。
|
本周最热文章
........
.gif)
1732
18