|
|
陳慧琳（Kelly）和楊千嬅兩位靚媽跟老公已是老夫老妻，故今天會攬實家中的「小情人」一同度過情人節，二人更大爆老公的甜蜜冧招，聽見都覺得好sweet！
Kelly昨日與千嬅、衞蘭（Janice）及Joey Tang出席將於三月底舉行的「伍樂城幻想國度作品演唱會2014」記者會，四人分別送上金色煲呔、咪高峯、指揮棒及香檳杯給伍樂城，預祝其演唱會成功。
今天是情人節，已誕下兩名兒子蝦餃仔及小龍包的Kelly，與同樣誕下兒子Torres的千嬅，都透露情人節並沒有任何慶祝活動，皆因與老公已是老夫老妻，相信會跟家中的囝囝一齊過，不過Kelly自言恨老公送花，更抵死叫傳媒幫忙提醒老公Alex：「佢唔識睇中文，唔該幫我寫flower to Kelly，don't forget！哈哈！」問老公是否不懂浪漫？Kelly表示：「都唔係，都sweet，我哋瞓覺會拖住手，因為平時出街多數要拖住兩個囝囝。」
提到張家輝簽約經理人鍾珍成為自己的師弟，Kelly直言希望能夠跟家輝合作拍電影，她笑言：「之前同佢合作過《大事件》，如果劇本啱，叫佢過兩招畀我，佢話晒都係影帝。」
至於千嬅則透露老公丁子高嫌情人節外出食飯太昂貴，但自爆丁生曾下廚煮麵給自己吃，她說：「佢煮麵要過冷河，又要伴碟排到好靚咁，搞成個幾鐘，但ok好食！」千嬅又表示：「過往情人節都會送卡，因為要湊仔，所以今年會同『小情人』一齊過。」
衞蘭怨記者嚇走車廂男
另外，Janice否認早前被拍得車廂密會的男子是其男友，她一臉無奈表示：「好嬲呀，佢唔係我男朋友，真係朋友，你哋嚇走咗佢喇！當日我全程挨住張凳坐，記者影唔到以為我烏低身。」
|
|
发表于 14-2-2014 10:04 AM
变色卡
千斤顶
本周最热论坛帖子
1645 
38
