2016国际中华小姐竞选 ★ 冠军温哥华朱亚琳亚军纽约陈舒菲季军悉尼栾添

奀猪 · 发表于 21-1-2016 01:05 PM

華姐起底：勁貪玩！朱亞琳熱愛戶外活動
▪ on.cc 2016-01-16

▲ 這個「爆肌李嘉欣」真係好outgoing喎。

今屆中華小姐另一大熱、14號嘅「爆肌李嘉欣」朱亞琳（Jennifer）充滿陽光氣息，曾獲2015溫哥華華裔小姐嘅佢，成日跟友人結伴到戶外活動、草地野餐及池塘游水，活力十足！

▲ 呢個樣，真係好似李嘉欣。

▲ 呢個都係。

▲ 一睇就知佢朋友多，而且仲好爆肌添。

▲ 而且好貪玩，大家睇吓佢，紮住隻腳都要去玩。

▲ 呢張相點樣呈現佢貪玩一面？不解釋。

▲ 佢亦都好放得開外表嘅包袱㗎。

▲ 又一貪玩鐵證。

▲ 異性緣又好。

▲ 朱亞琳

奀猪 · 发表于 21-1-2016 01:14 PM

華姐起底：Hot爆欒添曾上內地配對節目
▪ on.cc 2016-01-16

▲ 欒添原來參加過內地配對節目，私下嘅佢仲好奔放！

今屆中華小姐12號候選佳麗「野性鍾麗緹」欒添（Tiana）曾喺2015年勇奪澳洲華裔小姐冠軍，性格活潑好動，而且曬得一身健康膚色，身型fit到漏嘅佢更絕不吝嗇身材，不時亦會喺社交網上大晒性感靚相，噴血程度爆燈！

從佢平時打扮，睇嚟都係偏愛濃妝，「大眼仔」、「假眼睫毛」絕對唔少得！出席Party時更係盛裝出席，低胸露肩裙大晒事業線！當Tiana對住一班閨蜜們時更係分外熱情，着住三點式自拍時，朋友都不禁「出手相助」，用手為佢托胸，「sheshe」味勁濃！

Tiana野性又百變，閒時更會客串做吓模特兒同game girl一晒本錢，早前仲上過內地配對節目《我們約會吧》，演出經驗相當豐富！

▲ 21歲時已經上過內地配對節目《我們約會吧》！

▲ 成日都鍾意孖住朋友晒Body！

▲ 嘩～呢輕輕一托，得咗！

▲ 少女Pose嘟嘴仔！

▲ 呢張已經算係淡妝！

▲ 嚇我唔倒呀！

▲ 扮瑪麗蓮夢露？

▲ 坐喺地擺Pose都優雅過人！

▲ 做過game girl𠻹！

▲ 欒添

奀猪 · 发表于 21-1-2016 01:21 PM

K_1986 发表于 20-1-2016 09:37 PM
从官方照看上去，个人觉得比较好看的是。。。
4号巫雪菲，5号鍾素敏，9号陳舒菲，12号欒添

看了她的生活照...
我确定是妆容、发型和拍摄角度的问题...
单凭生活照来看...
如果她不是爆肌+过壮的话，冠军可以直接抱回家了...

奀猪 · 发表于 21-1-2016 01:26 PM

danielle_danz 发表于 21-1-2016 08:51 AM
支持本地的蛮漂亮，看好她

有人给她垫底...

真没想到... 多伦多今年来个那么逊色的...

jeff_love_peace · 发表于 21-1-2016 01:30 PM

奀猪发表于 21-1-2016 12:39 PM
出国就甭想了...
昂坪市集一日游倒是有的...

而且赛期也蛮短的，到香港没几天就要决赛了。

奀猪 · 发表于 21-1-2016 01:39 PM

jeff_love_peace 发表于 21-1-2016 01:30 PM
而且赛期也蛮短的，到香港没几天就要决赛了。

已经好多届都这样了...
以前华姐是年度盛事，很隆重其事的...
近这几年都是来到跟前才发布消息...
整个赛程也相对马虎...

奀猪 · 发表于 21-1-2016 01:45 PM

朱亞琳陳舒菲夾擊麥明詩
▪ on.cc 2016-01-17

▲ 被視大熱的「爆肌李嘉欣」(14)朱亞琳（紅裙）因樣貌似足大美人而先勝一仗，但上圍驕人的「嫩版汪詩詩」(9)陳舒菲（右二），則來勢「胸胸」，壓倒一班佳麗！

《2016國際中華小姐競選》即將舉行，十四位候選華姐昨首次見傳媒，今屆佳麗水準甚高！而被視大熱的「爆肌李嘉欣」(14)朱亞琳（Jennifer）因樣貌似足大美人而先勝一仗，但上圍驕人的「嫩版汪詩詩」(9)陳舒菲（Mary），則來勢「胸胸」，壓倒一班佳麗！而作為本地薑的(3)麥明詩，謂走甜美路線及主場之利，望成功突圍！

《2016國際中華小姐競選》將在周六（23日）假將軍澳電視城隆重舉行，14位候選佳麗昨日在將軍澳一間酒店首次會見傳媒，佳麗們在台上逐一自我介紹。而今屆佳麗質素明顯「睇高一線」，大部分都屬高妹，認真高人一等。而悉尼代表「野性麗緹」(12)欒添則被抽中試戴后冠及獲頒權杖，並表現得激動及開心。

靚樣似李嘉欣

其中賽前被視為大熱門的(3)麥明詩、紐約代表「嫩版汪詩詩」(9)陳舒菲（Mary）、(12)欒添及(14)溫哥華代表「爆肌李嘉欣」朱亞琳（Jennifer），當中以陳舒菲上圍最驕人！而與李嘉欣有幾分相似的Jennifer，原來是上海及比利時混血兒，她表示很多人都有同感：「我都係佢Big Fans！（覺得李嘉欣靚嗎？）覺得呀！（所以覺得自己都靚？）自己都覺，但大家性格唔同所以好難去比較！（身材高係優勢？）相信都會係一個優勢，對自己都有信心。」而Jennifer去年亦曾勇奪《2015溫哥華華裔競選小姐》冠軍，選美經驗豐富，似乎與麥明詩有一番鬥爭！

而擁有驕人身材的陳舒菲坦言身材並不重要：「其實大家嚟選美都係顯示最靚嘅嘢，身材豐滿並唔重要，最重要係自信。（泳衣環節變得突出？）知道呢個環節會問問題，問題難要動下腦筋。」講到朱亞琳樣貌似李嘉欣，陳舒菲亦表示贊同，另外，她又暗寸朱亞琳指：「有人像明星，有人不像，但不代表我不可以做明星。」。

至於被抽中率先戴后冠的欒添，亦曾在澳洲分區賽奪得總冠軍，她對今次競選並沒有太緊張，更賣口乖大讚無綫員工敬業又親切，問她見過其他佳麗後可感緊張？她說：「還好，各有學習的地方，（會留港發展？）暫時不會考慮，比賽完再算。」

本地薑有優勢

面對其他佳麗夾擊的麥明詩希望以三甲為目標：「自己走甜美路線，我優勢勝在係較熟香港文化同面對傳媒。（朱亞琳似李嘉欣？）我都覺得似，佢係比較西化。（壓力？）一定要努力，但我無乜壓力，路線唔同。」她又謂盡地主之誼，帶佳麗買sim卡及生果。

▲ 「本地薑」(3)麥明詩表示會走甜美路線，亦認為自己有主場之利。

▲ 來自溫哥華的(14)朱亞琳自覺靚樣似李嘉欣，對比賽信心十足。

▲ 身材驕人的(9)陳舒菲希望在泳衣環節「凸」圍而出！

▲ 14位「中華小姐」候選佳麗首次會見傳媒，大部分更屬「高妹」。

奀猪 · 发表于 21-1-2016 01:54 PM

麥明詩主場衝三甲朱亞琳狙擊
▪ on.cc 2016-01-17

▲ 當中被視為大熱的「爆肌李嘉欣」朱亞琳（紅裙）因貌似「大美人」李嘉欣而略勝一籌。

14位候選華姐昨日首度會見傳媒，今屆佳麗大多屬高妹一族，「提高」了整個水平！當中被視為大熱的「爆肌李嘉欣」朱亞琳因貌似「大美人」李嘉欣而略勝一籌，上圍「Big」爆的陳舒菲亦「胸」壓一眾佳麗，本地薑的麥明詩身高被比下去，但她期望憑主場之利取勝！

年度盛事《2016國際中華小姐競選》將於周六（23日）假將軍澳電視城隆重舉行，14位候選佳麗昨日在將軍澳一間酒店首度會見傳媒，穿低胸緊身裙的佳麗行Catwalk亮相並逐一自我介紹。今屆佳麗質素明顯「睇高一線」，除了香港代表麥明詩及多倫多代表柯思懿外，其餘佳麗都「高」人一等！當中悉尼代表、「野性麗緹」欒添被抽中試戴后冠及獲頒權杖，猶如「獲獎」般激動！

奪冠信心爆棚

麥明詩、來自紐約的「嫩版汪詩詩」陳舒菲（Mary）、欒添及來自溫哥華的「爆肌李嘉欣」朱亞琳（Jennifer）均被視為大熱門，當中以陳舒菲上圍最「Big」爆。Jennifer是中國及比利時混血兒，成為全場焦點的她以英語受訪，自爆很多人都指她貌似李嘉欣：「我都係佢Big Fans！（覺得李嘉欣靚？）覺呀！（所以覺得自己都靚？）都覺，但大家性格唔同難比較。（身材高係優勢？）相信都係一個優勢，對自己有信心。（有信心拎冠軍？）有。」翻查資料，她去年勇奪《2015溫哥華華裔小姐競選》冠軍，相信與本地薑麥明詩將有一番惡鬥！

陳舒菲來勢「胸胸」，她自言最重要是有自信：「其實大家嚟選美都係帶最靚嘅嘢，身材豐滿唔重要，最重要係要有自信！（泳衣環節變得突出？）所有事情都好有趣，知道呢個環節會問問題，問題難要動吓腦筋。」又出口術暗寸勁敵朱亞琳：「有啲人似明星，有啲人唔似，唔代表我唔可以做明星！」

欒添講實力唔靠運

至於被抽中試戴后冠的欒添貌似鍾麗緹，曾在澳洲分區賽奪得總冠軍的她自言並不緊張：「還好，有學習地方。（留港發展？）暫時唔考慮。」她對於有幸率先戴后冠感興奮：「覺得好Lucky！（怕用完運氣？）選美唔係靠運氣，係靠實力！」

面對其他佳麗夾擊，麥明詩的身高雖然被比下去，但她坦言以三甲為目標：「各個佳麗質素平均，我走甜美路線，優勢係較熟悉香港文化同面對傳媒！（朱亞琳似李嘉欣？）我都覺，佢比較西化，李嘉欣係公認大美人！（有壓力？）一定要努力，但我冇乜壓力，大家路線唔同。」她又笑言會盡地主之誼，帶佳麗買Sim卡及水果。

▲ 本地薑麥明詩被貌似李嘉欣的朱亞琳狙擊，但無損她打入三甲的信心！

▲ 朱亞琳

▲ 陳舒菲身材出眾，但她認為自信才是最關鍵的一環！

▲ 欒添貌似鍾麗緹，強調靠的是實力而非運氣。

▲ 巫雪菲

▲ 鍾素敏

▲ 應屆候選佳麗都「高人一等」，令身形嬌小的麥明詩（左三）較為輸蝕。

奀猪 · 发表于 21-1-2016 02:14 PM

阿媽企場外做龍友　麥明詩唔識安排坐位
▪ on.cc 2016-01-17

▲ 麥明詩竟然要媽媽企場外？佢話唔知點安排，想父母做個普通觀眾感受吓佢嘅演出！

《2016國際中華小姐競選》將於周六晚（23日）舉行，無綫今午安排14位佳麗到馬鞍山，進行才藝表演，競逐「現場觀眾投票選至Like」殊榮。

自彈自唱《華麗轉身》

香港代表麥明詩（Louisa）自彈自唱汪明荃名曲《華麗轉身》，並譜上一小段英文新詞，歌頌對媽媽的尊敬，而麥爸爸及麥媽媽亦親自到場撐愛女，經麥明詩在台上「相認」後，麥爸媽由觀眾席企位，改為獲邀到場內坐定定觀看愛女表演。

想父母做普通觀眾Feel吓

麥明詩表示：「我對自己表演有信心，希望最終入到三甲。（做乜要父母企場外？）我唔知應該點安排，另外都想佢哋以普通觀眾身份，感覺吓我嘅表現，然後話我知應該點做可以最好。首詞我填咗幾晚，表達我對媽媽的感覺。（效法原唱汪明荃別樹一幟嘅演繹？）我都有睇唔同人嘅演繹方法，其實原唱都好好聽，但我聲底唔同。」

▲ 麥明詩準備獻唱時喺台上同媽媽「相認」！

▲ 喺場外做「龍友」嘅麥媽媽即刻揮晒手！

▲ 隨即獲安排坐到場內睇阿女表演！

▲ 麥明詩唱嘅係估你唔到《華麗轉身》……睇字都有聲呀！

▲ Louisa就話填咗幾晚填，想表達對媽媽嘅感覺！

▲ 講到「經過那些年…」，佢就話原唱汪明荃都唱得好聽！

▲ 夠晒威豬啦…父母齊齊嚟撐場！

奀猪 · 发表于 21-1-2016 02:19 PM

低胸搶鏡　18歲準華姐陳舒菲觀眾至Like
▪ on.cc 2016-01-17

▲ 18歲陳舒菲低胸晒青春！

現年18歲的陳舒菲（Mary）以紐約代表身份，到馬鞍山出席《2016國際中華小姐競選》「現場觀眾投票選至Like」活動，並以水杯、掌聲打拍子，表演唱歌贏得觀眾至Like殊榮。

青春無敵的陳舒菲，不但低胸露出心口事業線，頒獎予投她一票的小妹妹時，更蹲身令裙下險春光乍洩，她受訪時說：「也不算性感。（踎低險洩春光？）沒有，我有打底褲，現場目光來自不同角度，當然要小心。（泳裝環節特別有信心？）我的自信來自表現得好，不會對這個環節特別有信心，其實每位佳麗都受歡迎，攞不攞獎我都會檢討自己。（花幾耐準備演出？）這個是我覺得好玩，於是上網找片段自學，也算不上甚麼預備。」

▲ 陳舒菲以水杯、掌聲打拍子，表演唱歌贏得觀眾至Like殊榮。

▲ 真係好青春！

▲ 陳舒菲短裙晒腿！

▲ 俯身晒胸！

▲ 蹲身險走光，不過陳舒菲話打足底！

50912cmea · 发表于 21-1-2016 02:28 PM

50912cmea · 发表于 21-1-2016 02:29 PM

奀猪发表于 21-1-2016 02:19 PM
低胸搶鏡　18歲準華姐陳舒菲觀眾至Like
▪ on.cc 2016-01-17

奀猪 · 发表于 21-1-2016 02:29 PM

朱亞琳爆肌真功夫　黃嘉欣甩舞唔識執生
▪ on.cc 2016-01-17

▲ 朱亞琳（左）舞得輕鬆自信，相反黃嘉欣…就真係唔知佢想點！

《2016國際中華小姐競選》在馬鞍山舉行「現場觀眾投票選至Like」活動，佳麗不是跳舞，就是唱歌，其中洛杉磯代表9號黃嘉欣，表演hip hop舞蹈，但忘記舞步，在台上以笑遮醜，評判之一張名雅提點她：「跳舞miss咗step唔緊要，繼續跳，因為冇人知㗎！」

反觀溫哥華代表14號「爆肌李嘉欣」朱亞琳，一身啦啦隊裝束，自信心十足，end pose更以一個側手翻落地接一字馬，盡展真功夫，她以英文說：「我年青時已學，我想做啲唔同嘅嘢，覺得好玩！（被指似李嘉欣，選美有着數？）聽到人話我似李嘉欣，佢係最靚嘅女仔又nice，我好榮幸。（一身肌肉會否打折扣？）我諗我係非常健康、強壯，我成日關注自己身體，冇為呢個選美減肥，我平時已着重健康飲食，我非常開心自己有呢副身軀。」

▲ 先嚟睇吓14號朱亞琳啦…最緊要係咩呀？「自信」！

▲ 就算露出打底褲都冇失色！

▲ 睇睇吓…其實有啲似健美小姐！

▲ 表演時仲嚟個側手翻…冇得輸啦！

▲ 最後以一字馬作結，非常完美！

▲ 不過佢就話唔介意一身肌肉，係因為平時已經着重健康飲食所練成！

▲ 對於被讚似李嘉欣，佢就覺得好開心同榮幸！

▲ 強而有力嘅臂彎！

▲ 相反…9號黃嘉欣係表演hip hop！

▲ 不過，就唔記得舞步，即刻停晒手，唔識執生！

▲ 以手遮醜…都遮唔住啦！

▲ 評判張名雅（右）都要出聲提點對方要跳落去！