 同師兄劉浩龍蜜運中嘅容祖兒，早前曾明言期望兩年後36歲時做媽咪生BB，未知係咪公司未肯放行，無幾耐佢就將生育大計再押後至40歲。 不過日前佢就獲公司先放行，畀佢做咗新娘子先，祖兒日前首度以新娘造型接拍廣告，可能經已遇到生命中Mr.Right，著上嫁衣嘅祖兒興奮話：「今次是我首次披嫁衣拍攝廣告，興奮又緊張。」 祖兒身穿婚紗係著名品牌Vera Wang作品，全球只得一套，兼且用咗今季最新Bubble Lace款式，有別平日傳統花邊lace設計。對於婚姻誓盟，祖兒話：「婚姻相信對每位女士都十分重要，與摰愛立約誓盟後，便開始人生另一個重要嘅階段。我覺得女孩子係最重要嘅時刻，一定要以最好、最優質的東西來承托。我自己本身都深信只要大家互相信任，便可堅守承諾和盟誓。」 身邊嘅好友都踏入適婚年齡，見過唔少人臨結婚前幾個月先急救護膚，祖兒話：「結婚時候女孩子一定要做個最美新娘，我覺得女孩子要時刻保持肌膚於最佳狀態，護膚係要持久，絕對不可懶惰。我時刻都好注意護膚，我會同自己既肌膚always keep promise，好好保養佢 ! 」
|
本周最热文章
1497
7