 今日係4月1日愚人節，唔少人都喺網上發功整蠱大家，就連亞洲天團五月天都「中招」，遭網友惡搞成唔同形象。 被惡搞嘅主要係主音阿信、隊長怪獸同瑪莎，佢哋先後被移花接木，變成「長髮辣妹」，甫士加上迷人笑容，唔知會電親人定嚇陣人？阿信一頭柔順飄逸長髮，露出招牌微笑，兼現性感鎖骨；瑪莎束起兩條孖辮，下身襯咗條熱褲，照片中佢右手拉住條辮，左手放喺褲襠部位，甫士誘人；怪獸就變髮，留海兼穿上喱士裝，雙手托腮放喺鋼琴鍵上，哇﹗想點？ 最搞笑係另一張相，有網民將佢三個容貌，key落女子組合S.H.E一張海報上，效果又出奇地合襯喎，呢啲相流傳網上後，竟然有粉絲讚佢哋反串扮女仔都好靚，係真唔係呀？亦有人話：「我愛的只是五月天的『美貌』，誰管他們在唱什麼！」畢竟今日係愚人節，被惡搞玩玩笑下，都令粉絲好開心。 
|
本周最热文章
.gif)
1497
7