 噚晚香港突然連場大雨同冰雹，搞到各區交通幾近癱瘓，就連多班航機被迫延誤，好多搭客平安抵埗後話，因為航機遇上無數氣流，所以搞到好驚。 噚晚10點幾，何家勁喺微博話：「嚇死人。。。經過強大氣流終於降落。不過不是在深圳。是迫降南昌！哈哈哈。。。笑死人！終於証實了一件事。。。人定勝天是不可能的。。等到啥時候呢呢呢！！」直至大約凌晨3點幾，佢又留言：「終於落地。先食個包飲杯啡！4點出發。零晨3點到。十一個小時。十一哥當之無愧。」 「細細粒」陳嘉佳原來都經歷「九霄驚魂」，話說細細粒坐飛機由上海返港，但佢足足搭咗接近12個鐘頭先抵港，佢仲話係人生最可怕嘅一次：「人生最可怕6小時，今天搭了人生最可怕的一次飛機，係上海17：30起飛，但22：30還在飛機上，遇上無數氣流，無數恐懼。乘客很多都在祈禱，我媽說以後都不坐飛機。最後現在停在深圳。好可怕。」 至凌晨約2點，細細粒再留言：「飛機沒油，沒燈沒冷氣更沒空氣，暫停係深圳，全機人的空氣靠呢2條『那』（罅）。我還在等待什麼時間再起飛回香港。」好慘呀﹗ 清晨近5點，細細粒仲喺飛機上面，佢喺微博留言：「我還在飛機上，又唔比下飛機，又無野（嘢）食，我是否比（被）劫機了，港龍航空我們已經在機上11小時了。」有網民就留言：「唔系(係)掛？！小寶唔好死啊！」 另外，容祖兒今朝都喺微博表示，遇上航班delay，佢唯有無聊到自拍靚靚指甲打發時間，至剛才三時十五分左右，祖兒再更新微博：「終於起飛，一切平安。」
|
本周最热文章
1497
7