 為拍電影《豪情2》而努力減肥嘅杜汶澤，近年身形大蛻變，由肥仔變健碩身形，仲不時喺微博、facebook騷quali，不過減肥過程歷盡艱辛，梗係要晒吓啦!早前阿澤又喺fb開po，大歎自己唔夠恆心，過完年之後肥咗，肌肉唔見埋，惟有努力狂操。 阿澤呢幾日係咁喺fb貼半裸健身相，最近又po咗兩張拍緊《金雞sss》時，被吳君如偷拍嘅脫衣照，相中嘅杜汶澤喺片場除衫又除褲，最後只除剩條底褲，係咪激凸唔評論，面對現場咁多人同埋鏡頭，都見阿澤仍然充滿信心，在場嘅錢嘉樂同吳若希就睇到眼甘甘，邊睇邊笑。 雖然話fit，但係阿澤都好似唔少女星影性感相時，極力縮肚，堅持被人偷拍嘅時候，都以最fit狀況示人，阿澤喺個po度話：「剛才君如把拍攝《金雞》時偷影我換衣服的照片發給我，我才知道自己現在有多胖！他媽的！一邊戒煙一邊減肥真的不容易！」 減肥兼戒煙係好事，最大得著當然係自己，而且家人都受惠㗎!支持!支持!
|
本周最热文章
1387
7