 小巨肺鄧紫棋（G.E.M.）因參加《我是歌手2》而爆紅，工作忙個不停，雖然豬籠入水，但財多身子弱，G.E.M.日前就喉嚨痛，仲擔任隨時失聲添﹗ 不過G.E.M.連休息時間都唔夠，前日仲要直踩14粒鐘先返家休息，真係得閒死唔得閒病咯。 雖然好忙好忙好忙，但G.E.M.仍然抽時間上微博及facebook，同粉絲互動，呢兩日佢喺fb專頁連貼三張相，佢喺網上狂呻：「『得閒死唔得閒病。』感冒不是問題，沒多餘時間感冒才是問題，救命！我想我除了需要吃藥，還需要一個擁抱。」 而噚晚G.E.M.總算「美夢成真」，可以十一點瞓覺，佢話：「十一點睡到床上了，很乖吧？晚安各位！」抖足精神﹑瞓足半日嘅G.E.M.，今午喺fb有感而發：「睡了十二個小時，造夢造了好久，醒來感覺現實有點失真…造夢不費力氣，要把夢成真卻需要堅定的心和堅持的努力。加油！」 至於佢男友林宥嘉將於四月來港開騷，林宥嘉喺微博貼咗張演唱會海報相，話畀粉絲知正式售票日子。
|
小风: 有个巨肺，可是讲话含糊不清。。为什么？为什么？为什么？
本周最热文章
1008
0