![]() 現時37歲徐熙媛(大S)去年底正式公布成功陀B,依家已經5個幾月啦,不過大S一直對腹中胎兒性別好保密,而且懷孕初期影相同大家分享都只係有樣冇肚,直至較早前大S巨肚絕密曝光,有一次仲驚呼:「每天經過鏡子都會大抖一下,頭是我的,身體不知是哪位?」汪小菲睇見即冧愛妻:「都很美。」 噚晚大S又再自拍咗張半身相放上微博,不經意露出谷胸感,起初大S留言:「胃燒的難受,燒醒了。來猜猜這張是孕前還孕後?」 相隔十分鐘左右,大S主動開估:「就兩天前。孕後。答對的朋友會得到好運!」 相中見到大S樣子略帶倦容,睇嚟真係唔多舒服,好多網友同粉絲,都留言叮囑靚媽咪要好好保重,亦有人見相後品評大S個鼻子歪咗,望落又好似係喎。
|