 提起無綫劇，你一定覺得好肚餓，因為……十套劇有九部，都有呢句對白:「肚唔肚餓，我煮個麵你食啦!」呢個煮麵「習俗」，就連楊冪都知道喇。 係咁嘅，楊冪同劉愷威日前喺峇里成婚，甜蜜蜜仲雙喜臨門。咁啱新老爺劉丹同劉愷威兩仔爺曾經一同演出長氣劇《真情》——叉燒炳同安仔，依家安仔(即係劉愷威)娶得賢妻，叉燒炳自是老懷大慰，有網民笑言呢個係《真情》最完美結局。而且，大家望望呢張相，亦都真係太似劇照喇。 有fans好有心咁，將楊冪同劉愷威加埋丹爺呢張結婚相「加工」——加番無綫劇集片末定格播出嘅credit，寓意個劇happy ending。楊冪都睇到呢張相，你估佢點回應？佢話:「哈哈哈哈哈哈哈哈，做人呢，最重要的就是開心，我幫你下碗麵吧!」連楊冪都知無綫劇鍾意煮個麵你食，聞名天下喇!咁當然亦都可能係老公同老爺話佢知無綫劇有呢個傳統啩。 之不過，叉燒炳係斬叉燒嘅，所以劇集ending時未必係煮碗麵，可能係…煮燒鵝瀨都未定0架。 
|
本周最热文章
818
0