 江若琳喺尖沙嘴出席時裝騷活動，同一班小朋友行catwalk，佢話想當年自己細個時見到好多人嘅場面會驚到喊。江若琳講得咁歉虛嘅，聽講佢細個都係風頭躉喎?佢都認自己好活躍：「曾經代表學校講畢業致謝詞，做過fashion show、參加過跳舞比賽，不過點都冇依家小朋友咁叻。」 唔好以為佢自細就發明星夢，原來佢童年夢想係做舞蹈員，不過佢話：「老竇話我冇出色，係都企最前面嗰個。後尾因為參加一個芭蕾舞比賽而誤打誤撞入行。」 江若琳仲話自己好鍾意小朋友，希望35歲之前做到媽媽：「但係大前題要搵到個人，呢個亦係我新年願望，等緊對的人敲門，依家都冇人追。」想搵過乜嘢男人?佢話：「要求唔高，得一樣，就係唔可以講大話，兩個人最重要係坦承，唔好一腳踏兩船就得嘞。」
|
本周最热文章
843
0