|
允兒同李昇基戀情，對兩派fans而言，其實可以話早有心理準備，因為李昇基已不止一次公開向允兒表白，依家終於都追到喇。 話就話有心理準備，但講到要接受，真係有少少難度。心裡面一定係祝福女神，之但係……睇埋噚晚允兒谷胸上陣，擔任KBS演技大獎嘅主持。心，又開始滴緊血……。  其實今次李昇基追求允兒成功，除咗因為大家住得太近之外，李昇基嘅癡心同長情，都係關鍵因素。早於2011年11月，李昇基已於SBS TV節目《強心臟》裡面，當住少時泰妍、允兒、Yuri同Tiffany面前，承認自己「愛死了」允兒。 當日節目中，允兒在正式進行故事對決前表示：「我今天要上節目昇基哥哥很緊張，說我不是伶牙俐齒型，他很緊張」，其他嘉賓聽到，就開始戲弄兩人。李昇基當時就話，自己3年來一直視允兒為自己理想型，有嘉賓即問:「有這麼喜歡嗎」，李昇基立刻答：「愛死了。」但佢又話:「允兒理想的男友類型是木村拓哉。」一臉傷感。 其後，允兒就開始大談心目中理想係點，佢話：「我喜歡能讓我心跳加快的人，有方法能讓我的心跳加快。例如，撫摸頭髮，還有對我說:『啊，好可愛』，我喜歡對我這樣做的人。」點知李昇基真係出手撫摸允兒嘅頭髮話:「拜託了」，令在場人士紛紛「O」嘴了。 其實，李昇基已經已經唔係第一次公開話欣賞允兒0架喇。依家佢終於追到女神喇，嗚呀… 
|
本周最热文章
667
4