 柯震東噚晚喺微博留言祝福平安夜出世嘅媽咪生日快樂，佢話：「生日快樂！我這輩子最愛的女人！！接下來的每一天就交給我吧！母親大人！」又晒同媽咪sweet相，原來佢媽咪個樣好young喎!唔知有心定冇意，竟然有網友因為相中人一對細彎月牙眼，「再一次」認錯柯媽媽係柯震東女友蕭亞軒。 雖然明星撞樣經常成為熱話，但同aunt撞樣都係第一次聽，畀人認錯係aunt，蕭亞軒唔知咩心情呢?不過一直都畀人話姊弟戀，應該都習慣晒啦！其實佢同男友屋企人關係好好，柯震東upload咗段同媽咪慶祝生日片上網，見到蕭亞軒都在場。 柯震東又po咗父母咀嘴親密相，寫話：「因為這份愛！讓我學會了愛人和被愛的能力！父母！我這輩子最重要的人！謝謝妳們那麼愛彼此！讓我每天都被幸福充滿著！」呢句說話，唔知係咪順便對女友講呢?不過有網友即話回答叫佢哋快啲結婚。 之前傳過柯震東因為媾女一腳踏幾船啲緋聞，搞到同蕭亞軒分手，不過0依家睇嚟兩佢個感情都幾穩陣。而且個樣咁似伯母，份外有親切感，點都加啲分啦！ 
|
本周最热文章
667
4