你没看错小龙女陈妍希和杨过打车轮！

23-12-2013 09:16 AM| 发布者: 佳礼编辑 | 评论: 34|原作者: aikowu

摘要: 陈妍希BB自从接拍内地剧于正开拍嘅新版《神雕侠侣》后，惨变「箭猪」，系咁俾内地网民狂插，就连导演王晶都话呢个小龙女太胖，面圆身圆加埋头顶两个「馒头」，三管齐下，负负负，结果唔系正，都系负。幸好剧组最后将 ...

陳妍希BB自從接拍內地劇于正開拍嘅新版《神鵰俠侶》後，慘變「箭豬」，係咁俾內地網民狂插，就連導演王晶都話呢個小龍女太胖，面圓身圓加埋頭頂兩個「饅頭」，三管齊下，負負負，結果唔係正，都係負。幸好劇組最後將其小龍女造型還原，塑造番不食人間煙火嘅形象，頭上面兩個包包改換成一頭長髮，女神重現。

有網民開始質疑，于正其實係擺陳妍希上枱、製造話題，依家，又有新猷喇——就係——小龍女同楊過(陳曉飾演)激吻呀!

于正於微博又發咗新一輯相，寫道:「十六年的煎熬都過了，這世間還能怎樣？」即係交代斷臂楊過於十六年後於絕情谷谷底搵番小龍女嗰段。講真，十六年後，歷盡滄桑嘅楊過竟然一啲都冇老過，已經好唔合情理；仲同姑姑激吻……令人看儍了眼，不少網民都話呢個小龍女太過冇矜持，亦有唔少人覺得不合情理，只求畫面唯美；亦有人問，拍得咀戲，下一步會否有床戰呢？

其實于正今次拍呢個版本嘅《神鵰俠侶》，同「再創造」冇分別。事關金庸筆下嘅尹志平（原著後改名為甄志丙），於新版《神鵰俠侶》已一改猥瑣小人性格，講佢係遭人落落藥陷害、「情非得已」之下強姦小龍女，被網民狂插指劇情改得太離譜，完全顛覆原著內容，仲幫卑鄙小人尹志平完全大翻身；加上導演將強暴畫面拍得太過「唯美」，而扮演尹志平嘅宋洋，竟用情深款款嘅眼神凝望小龍女，完全冇猥褻feel，咁都得？但于正呢位編劇就力撐謂《神鵰俠侶》嘅基本結構未有大改變，只有人物性格上會更加豐富，將尹志平打造為可愛小道士。