|
《萬千星輝頒獎禮》前晚曲終人散，當中最令人大跌眼鏡，是視帝大熱張智霖「封帝」夢碎，Chilam前晚完騷後和老婆袁詠儀唱雙簧暗諷TVB，而靚靚亦出言護夫說：「如果攞視帝，《十月初五的月光》已經拿了。」文：游艾維 失落視帝的Chilam在活動後未有到記者室接受傳媒訪問，反而到門外和粉絲們開香檳慶祝，對於台上一番「義氣仔女」言論引來網民激讚，他笑說：「真的嗎？今日都有心理準備，在這風雨飄搖的日子，大熱真的用來倒灶。」Chilam和老婆靚靚曾打賭，輸掉視帝便要送禮物給老婆，原來他早準備好禮物。提及他得獎後樣子忟憎，他即否認，說到他和鎮宇均是網民的視帝心水，問可覺不服？他說：「(賽果)是無綫807個員工大部分心水，我會尊重意見。」 「唔係唔玩得呀！」 說到領獎時一句暗寸「TVB係咪唔鍾意我？」Chilam解釋只是說笑、沒有惡意。問到是否不開心？他說：「我沒有呀，(話中有骨喎！)唔係呀，唔係唔玩得呀！我講笑啫。」問可擔心言論惹來無綫不滿？他說：「不會吧，不會那麼小器，我只是搞吓氣氛。」至於賽果是否意料之內？他說：「我預咗食白果，得到這個獎以4個字形容『心滿意足』。」他又笑說太太才是真正的贏家。 靚靚預測準繩認叻 換上便服後Chilam到北角某商廈內的餐廳吃消夜，之後老婆袁靚靚驅車前來會合，Chilam更進行「頒獎」儀式，半跪般向靚靚奉上Hermes手鐲，靚靚表現興奮兼尖叫，他親手為太太戴上兼問：「鍾唔鍾意先？」阿靚即說：「好鍾意呀！我真係要多謝TVB。」對於老公失落視帝，問可會感到失望？阿靚說：「你們不覺得我好叻咩？大家都了解遊戲規則，Chilam不是合約藝人。我覺得自己好叻，根本可以做高層，如果攞視帝，《十月初五的月光》已經拿了。」而老闆蕭定一被問有否失望？他直言：「有心理準備了，沒所謂啦，自己屋企人玩的遊戲。」 鎮宇現身回報支持 Chilam昨日亦發微博留言：「願賭服輸！」靚靚即回應說：「多謝TVB！多謝Tommy、珍姐、樂小姐、Sandy，及807位專業評委，沒有你們神聖一票，這手鐲絕對不會在我手上！Yeah！」另外吳鎮宇於微博表示已功成身退，他寫道：「要還的已還了，謝謝所有投票者，我在電視出現了。」 
|
真没品。 
本周最热文章
417
0