|
麥浚龍（Juno）首次執導嘅電影《殭屍》大收旺場，截至噚日為止，香港累積票房收成1,700萬。 有見殭屍片翻生，王晶食住條水開番部新片《殭屍TV》，由鄭中基（Ronald）、元彪、伍允龍同關楚耀主演。 噚晚8點，《殭屍TV》喺中環鏞記酒家附近開工，劇情講Ronald比一個扮到鬼火咁靚嘅洋妞持刀打劫，Ronald舉高雙手後，鬼妹仔就伸手入佢褲袋攞咗一疊錢，Ronald即刻同洋妞求情，話留番小小錢畀佢搭車，點知鬼妹仔睬佢嘥氣之餘，仲一腳踢落佢下體，痛到Ronald邊跪低邊掩住「小基基」，如是者拍咗幾take之後就稍作休息。 其實鬼妹仔踢「小基基」只係借位作吓狀，否則「小基基」以後就無用武之地啦！ 唔知Ronald係咪見到有記者在場，怕同鬼妹仔傾多兩句，會令人誤會佢口花花，所以一停機，佢就彈開唔敢同洋妞行咁埋。 另外，伍允龍噚晚都喺現場，佢未埋位時同工作人員睇電腦研究一番，表現認真。 
|
本周最热文章
1204
7