    謝安琪、吳雨霏（Kary）、官恩娜、鄭欣宜、As One和張敬軒等一班歌手今日出席喺港台舉行嘅「第三十六屆十大中文金曲」頒獎禮記者會。頒獎禮將於1月12號假九龍灣國際展貿中心Star Hall舉行。 雖然天氣開始轉涼，但係貪靚嘅女歌手們又點會理個天氣指數而襯衫呢，噚日有唔少女歌手就著咗短裙，佢哋唔係畀個溫度難倒，反而係被要坐喺台上邊、矮到爆炸嘅梯級累事，搞到個個坐低都走光咁滯，好似坐喺頭排嘅Kary同Hotcha嘅Regen難逃露底，就連坐喺第二排嘅欣宜也避無可避，咁又難怪嘅，個位同坐喺地下冇分別，就算幾有儀態都冇用啦。 此外，今年港台不設金針獎，但就會在頒獎禮上向5位已故歌手：羅文、張國榮、陳百強、黃家駒及梅艷芳致敬。
|
本周最热文章
1197
7