|
梁詠琪（GiGi）噚晚到沙田擔任聖誕亮燈嘉賓，GiGi透露今個聖誕節會同老公Sergio喺香港度過：「老公嚟住咗兩年，之前兩年我都要去台灣工作，今年留喺香港，會帶佢睇燈飾同行公園，行公園睇燈飾都好浪漫，老公成日畀驚喜我，今年係我哋結婚兩周年，求婚嗰時佢帶我去迷宮，矇住我對眼，個迷宮喺西班牙，老公帶住我行好浪漫。」 GiGi又話結婚周年唔會互相交換禮物，反而就定下規定，結婚周年由老公送禮物，到生日就由GiGi送禮俾老公，佢話：「聖誕我都會送，男仔好難送，送俾女仔易啲。」 記者提議她送個BB俾老公時，佢就話：「都好，不過要一齊努力，希望佢下年生日送個俾佢，馬仔都好，我屬龍，咁就龍馬精神。」 有報道指佢同好友楊采妮不和，GiGi即話：「呢啲唔講，交俾律師處理，冇睇，佢結婚梗係開心，不實報道唔回應，我同佢都冇睇，亦都冇影響友誼。」  希望她真的可以早生贵子。。。
|
本周最热文章
1732
18