|
鍾嘉欣一向都唔係行性感路線，但近期見到嘉欣BB嘅廣告一輯性感過一輯，有個纖體廣告仲大晒事業線，而出席活動嘅打扮都好性感。今日有報道引述無綫嘅幕後人員爆料，話因為依家嘉欣BB最受客戶歡迎，只要佢肯露少少就好有客路，咁TVB幫佢向纖體公司開咗個高價，估唔到個客又肯畀喎，所以就變成咁喇!但眾所周知嘉欣BB一向都好似ICAC咁，密密實實，唔鍾意行性感；反而依家為纖體公司拍廣告，就一次比一次性感，令嘉欣BB好唔開心，壓力爆煲! 除咗工作之外，感情都係壓力來源之一。早排嘉欣BB拍《巨輪》嘅時候，就同拍檔陳展鵬傳出緋聞，被指暪住正印男友伍允龍一腳踏兩船，搞到被傳媒追訪，而佢喺《巨輪》嘅結局直播記者會上面，仲自爆話：「我要控制自己情緒！」 除咗以上兩樣嘢之外，仲有家庭問題令嘉欣BB有壓力，因為嘉欣BB家陣一個人留喺香港做嘢，佢成日都好想接爸爸媽媽返香港享福。 嘉欣BB曾經感觸到眼有淚光咁話：「佢都59歲(爸爸)，我都想佢早啲退休……(一提到爹哋就想喊！)冇呀……冇喊呀！」 以上咁多件事加埋，嘉欣BB一個女仔一定有好大壓力，所以近日見嘉欣BB出席活動嘅時候，面珠仔爆瘡情況越來越嚴重，疑是因為壓力太大致分泌失調。 今日報道指，有化妝師爆料，話嘉欣BB啲皮膚根本差到上唔到妝，近睇直頭啲粉係「一撻撻」，仲話有次幫嘉欣BB化妝，問佢係咪壓力太大、想予以開解，但對方只係眼濕濕，唔想講嘢。 向嘉欣BB求證番，佢只係話呢幾個月都瞓得好少，不停開工，休息得少同食嘢唔定時，先令皮膚搞成咁。再問嘉欣BB係唔係同伍允龍分咗手，嘉欣BB就話：「唔話你知！」    她真的是越来越性感。
|
本周最热文章
.gif)
看她样子都知道她不适合走性感路线的啦～.gif)
.gif)
1085
7