 「壽星女」袁詠儀收禮物收到手軟的同時，不忘為老公張智霖（Chilam）戲份被剪到體無完膚動氣，於網上留言指坐定定睇電視卻全晚不見Chilam蹤影，幸而老公特地趕返香港與她慶祝呵番！ 雖然Chilam的事業憑劇集《衝上雲霄Ⅱ》再創高峰，可惜踏入結局篇卻發現「Cool魔」的戲份大幅減少，令角色性格出現不銜接的情況，不少戲迷戥Chilam不值，連當事人亦於微博「有感而發」！而袁詠儀（靚靚）前晚趁老公Chilam在美國登台，充當粉絲校準時間睇《衝Ⅱ》，可惜睇足全晚得個吉！她事後不禁於網上留言：「難得今晚睇電視，只看到廣告！無語……更有人提醒我還有一個廣告出現……我頂你個心肝脾肺腎！」護夫之情路人皆見…… 望魔童變大隻 幸而今日「牛一」的靚靚陸續收到友人送來的生日禮物，上至手袋、服飾，下至蛋糕應有盡有，而Chilam昨晚則趕及由美國回港，與靚靚共度42歲生日，氹得老婆「破涕為笑」。靚靚昨日接受電話訪問時說：「其實生日唔會特別慶祝，都係同屋企人同朋友食吓飯咁啦！（有咩生日願望？）都係身體健康同順順利利啦，最好我個仔（魔童）可以大隻番少少。」 至於Chilam日前登台反應熱烈，破了當地入座率紀錄，粉絲逼爆現場，相當墟冚！更有不少人投訴未能進場欣賞，難怪他飛返香港前不忘留言多謝大家支持，並約定日後有緣再見。
|
本周最热文章
1731
18