|
現年43歲嘅韓國男星李秉憲，同31歲嘅韓劇《愛情上錯身》女星李敏貞嘅世紀婚禮，今日喺首爾君悅酒店舉行，宴請900人出席，單係酒席費用，估計便要花費1億5,000萬韓圜（約104萬港元），更帶挈酒店客房爆滿，當中包括逾200位來自各地傳媒採訪，以及逾500位來自日本嘅fans。婚禮由李范秀和申東燁擔任主持人，韓國影壇元老申榮均任主婚人。 今日下午3點，憲哥拖實穿上Marchesa復古婚紗嘅貞妹出席記者會，今次亦係兩人自去年8月公開戀情以來，首次一起公開亮相。戴上婚戒嘅憲哥同貞妹都表現怕醜，拒絕擺心形手甫士，貞妹更一度用花球遮面。 憲哥話，依家仲未有結婚嘅實際感覺，至於生B計劃，憲哥話：「未想過要生幾多個子女，總之有的話都會感謝上天，會好好養育。」佢又特別多謝貞妹婚後肯跟奶奶一起住：「我的家距離首爾有50分鐘車程，而貞妹的娘家則在首爾市內。說不定將來我拍戲太累要借宿，會麻煩到她的家人呢！」貞妹聽見即說：「我批准你這樣做。」惹來全場大笑。 由於婚禮以私人派對形式舉行，到賀賓客位位有份量，多對圈中夫婦都有現身，包括張東健和高素榮、權相佑和孫泰英、韓佳人和延正勛，以及劉智泰和金孝珍等。此外，宋承憲、鄭雨盛、崔智友、蘇志燮、金承佑、影后全度妍都有到場飲喜酒。 憲哥同貞妹後日就飛往馬爾代夫度蜜月，好好享受新婚的甜蜜喇! 
|
本周最热文章
781
4