|
聽日係宇宙最強甄子丹嘅50歲牛一，今晚佢老婆汪詩詩就喺中環包餐廳慶祝，主題係60年代造型，壽星公甄子丹扮李小龍耍雙截棍，心情當然超靚啦，佢仲啜啜老婆汪詩詩面珠答謝：「有呢個老婆仲有乜好講，佢係最好禮物。」 汪詩詩設計咗手機App送畀老公做禮物：「佢賺錢養家，但同時為粉絲而拍戲，粉絲可以downlaod App追蹤佢近況。」到場嘅賓客亦都星光熠熠，好似關之琳、李嘉欣兩公婆、楊千嬅同老公丁子高等，不過最特別肯定係黃百鳴，因為佢之前同子丹傳不和，今晚嚟到，自己要粉碎傳言。 今晚黃百鳴仲係帶埋囝囝黃子桓嚟贈慶，仲送上靚酒畀子丹，問佢兩個係咪友誼不變？黃百鳴笑騎騎話：「一向冇變，唔使做行動證明，自己得啖笑，總之等大家出年嘅期，子丹係不二之選。」 另外，子丹外母打扮到似柯德莉夏萍，汪圓圓見到未來老爺蔡志明出現，即刻飛身埋去迎駕，之後蔡加讚都嚟埋，圓圓見到未婚夫大讚：「嘩！好靚仔。」圓圓紥住右手受傷嘅中指，佢話：「之前帶狗仔玩，俾樹枝插傷。」 
|
本周最热文章
1731
18