  胡杏兒與羅仲謙到中環街頭為女性用品宣傳，謙仔即場為杏兒按摩令她甚為尷尬，她則擺他與楊怡的緋聞上枱，笑言此「兒」不同彼「怡」，而謙仔寧死不願將活動贈品送楊怡，寧願鑲起留念！ 視后胡杏兒與羅仲謙昨日拍住出席女性衞生用品活動，杏兒甫見謙仔即以其緋聞開玩笑，指雖然自己名字有「兒」字，但始終有所不同，令謙仔哭笑不得。謙仔則應大會安排為杏兒按摩頭部，杏兒即尷尬得笑容僵硬，大叫：「唔敢，好驚呀！」 事後杏兒笑言與楊怡是好姊妹，問到是否擔心對方呷醋？她說：「唔會，不過場面好好笑，我仲有諗過打畀佢（楊怡）備案，但大家專業嘅，如果我有個謙仔咁嘅男友就好啦！（有冇聽佢講過甜蜜事？）我哋少講呢啲，工作為主。」杏兒表示從沒有男友試過細心為她按摩，問到會否叫謙仔介紹同類型男士？杏兒頓了一頓，即笑言識多些朋友亦不錯。 呻與女友冇咩接觸 而謙仔認為若遇到女性有周期時，男士多忍讓亦是正常的風度，問到楊怡周期時會否特別暴躁？他說：「又冇喎！之前一齊拍劇多啲接觸，依家冇咩。（會唔會送盒女性贈品畀佢？）我拎畀依家拍劇嘅同事用，至少黃智雯佢哋啱用。」 當直接被問為何不給楊怡時，謙仔愈說愈亂，搞笑地說：「我屋企女性會第一時間問我，仲有個包裝咁靚，我諗我會鑲起佢紀念。」
|
本周最热文章
1731
18