|
歌手官恩娜（Ella）和關楚耀（Kelvin）昨日率領30名性感男女到銅鑼灣鬧市，Kelvin近日為準備個唱而苦練胸肌，令Ella忍不住施展「鹹豬手」胸襲！ 官恩娜和關楚耀昨日出席手錶店宣傳活動，大會安排30名性感男女助興搞氣氛，當中不乏惹火比堅尼女郎，Ella的沙灘裙Look相比之下頓時失色。而Kelvin雖然未有除衫騷肌，但緊身衫仍難掩其結實胸肌，難怪影大合照時Ella對他笑說：「你個胸係全場最大，仲大過啲女仔！」她更隨即「手起指落」，又篤又摸Kelvin的胸膛！慘遇「鹹豬手」的Kelvin無奈地笑問Ella：「你變態o架？」引來哄堂大笑。 問到為何胸襲Kelvin，Ella指很久未見過他：「佢以前冇咁Fit，今日見到，咁開心咪摸吓囉！」最抵死是她以專家口脗，笑指Kelvin的胸膛至少有40吋：「一定大過我囉！仲搶埋啲比堅尼女郎風頭。」當Ella得知Kelvin是為個唱而操弗變大隻仔後，她即表示會買飛捧場。 狂操肌冇度Size 至於Kelvin則笑指Ella非常「狼死」，對於被指巨胸比現場的比堅尼女郎更大，Kelvin說：「冇留意有幾大，我淨係掛住操，冇度過，今日嚟之前都有去做Gym。」對於個唱門票於今日公開發售，他坦言很緊張，透露會親自到場視察賣飛情況，更會自掏腰包買飛送給朋友。    
|
本周最热文章
781
4