|
無綫重頭劇《衝上雲霄2》下月15號就首播，大家一直都喺度諗，究竟主題曲，仲係咪陳奕迅嘅《歲月如歌》？畢竟，呢首歌，真係勾起大家太多太多回憶；幾乎係頭幾個音節一響，成套《衝上雲霄》就喺腦海裡面湧晒出嚟。 因為之前試過，鄭嘉穎、胡杏兒主演嘅《怒火街頭2》係沿用番第一集主題曲，故令網民都好期待，希望《衝上2》可以用番《歲月如歌》做主題曲。可惜，監製歐冠英同陳維冠已經回應咗讀者查詢，謂《衝上雲霄2》將不會用上一集的歌曲，今次係特別邀請林子祥唱主題曲，請觀眾密切期待。 林子祥過去唱過不少經典電視金曲，好似《真的漢子》(《當代男兒》萬梓良)、《抉擇》、《人海中一個你》、《改變常改變》(《大家族》)；電影金曲更加無數，唱功實力毋庸置疑，而且之前亦同過Eason同台開騷鬥長氣，勁到爆燈。 未知觀眾們，like嗎？  同場加映: 還記得當年Eason都有客串過其中一集《衝上雲霄》？當時佢一落機，就遇到大批歌迷，同Sam哥(吳鎮宇)。咁啱當時Sam哥講緊電話，同對方講咗句﹕「幫我簽埋呀唔該」，Eason以為Sam都係索簽名，於是喺佢車窗上簽下大名，仲問Sam哥﹕「其實我都想問，喺你呢種長輩嚟講，點睇我嘅《明年今日》？」Sam哥嬲到七彩又不便發作，只可以話:「第一，我唔識算命，我唔知你明年今日會點；第二，我上年今日都冇入戲院睇過戲，我俾唔到意見你，唔好意思!」  《衝上雲霄》經典重溫…  簽咗喇簽咗喇!  阿臣問: 「你點睇我嘅《明年今日》？」  Sam哥話﹕「我唔識算命，我唔知你明年今日點﹗」
|
本周最热文章
1731
18