向華強太太陳嵐日前喺佳士得拍賣會以8,611萬港元(連佣金),投得重達75.36克拉嘅水滴形鑽石吊墜,仲將粒鑽石命名為「中國之星」。 今日向太帶住呢顆「中國之星」同囝囝向佐喺中環出席發佈會,向太話呢個係心頭好,會留嚟重要場合配戴。問佢呢顆吊墜係咪收藏中最貴一件首飾?佢話鑽石係,但10幾年前都買過一條翡翠頸鏈,依家已經升到過億。 向太話如果首飾太多、賺到錢都會賣番出去當投資,仲好豪氣咁話:「因為有時都會儍儍地、唔覺意買多咗,或者戴過一次唔鍾意。」咁呢粒「中國之星」會唔會賣?佢笑話隨緣啦,如果開雙倍價錢都會考慮,擁有過就得喇。
|