|
唔少藝人（尤其係女藝人）都好怕睇返自己初出道時影過嘅舊照同埋劇集電影，因為大部份都覺得當年打扮娘爆﹑身形脹爆﹑同埋個樣唔同晒等等，搞到冇眼睇；不過亦有女星大無畏，勇於面對陳年劇照，點解？因為佢哋依家Fit過同正過舊時囉，其中一個唔怕睇舊照嘅女星就係鄭秀文（Sammi）喇﹗ 話說出道時有Baby fat同包包面嘅Sammi，曾經拍過唔少劇集，大家記得嘅除咗《寵物情緣》同《浪族闊少爺》外，仲有一部就係《大頭綠衣鬥殭屍》，套劇差唔多有近20年，當年除咗Sammi外，仲有三屆視帝黎耀祥﹑型到爆嘅錢小豪﹑以及關寶慧同盧宛茵等等，至於監製係邊個，咪就係李添勝囉，而主題曲就係《痴心等待》，相信眾Mi迷對部劇實有印象吧﹗ 當年Sammi一人分飾兩角，一個係女鬼飄雪﹑一個係飄雪孖生姐姐飄紅，同錢小豪有感情戲，幾好睇0架﹗今日凌晨Sammi喺微博同facebook貼咗一張《大》劇照，相中Sammi以古裝造型彈琵琶，但塊面真係好脹呀，連佢本人都不禁自嘲：「這位大姐（嬸）是？？？」此照一Po，網民即紛紛留言，大讚佢可愛，又話佢以前係肉感美，依家係骨感美。另外，Sammi微博頭像亦改為《瘦身男女》嘅肥妹仔造型，唔通佢想肥返少少？ 
|
本周最热文章
.gif)
.gif)
1731
18