 李添勝監製嘅《神探高倫布》收視跌無可跌，有金牌監製添叔同視帝黎耀祥坐鎮，一樣無力回天。添叔一次接受專訪時話，《高布布》收視低，係因為觀眾睇唔明；點解睇唔明？因為觀眾跳住睇。 添叔咁講實在有啲夾硬，就係因為唔好睇，觀眾先至跳睇。都明白的，對外，添叔當然要搵個理由為收視低解說；正如祥仔都話，套劇的確係有唔合情理嘅地方，但都加多句話，因為之前台慶節目巡禮宣傳方針唔啱、令觀眾以為係一套六十年代為背景嘅神探片，點知原來係科幻片。期許有落差。 好喇，講完對外，講對內。今日有報道話，添叔見《高布布》重口味劇情觀眾唔Buy，而佢拍緊、同樣有視帝祥仔同TVB大紅人蕭正楠孭飛嘅《巾幗梟雄3》，都有唔少重口味情節，包括: 1.胡杏兒被輪姦； 2.陳自瑤被強姦； 3.馬賽被強姦； 4.黎耀祥被雞姦(童年)； 嘩，「立」吓眼全部都係姦姦姦姦姦……雖然話日本侵華嗰陣的確係好多中國婦女受虐，但有冇需要拍埋出嚟，就真係要參詳吓。今日篇報道就話，《巾幗3》已經拍咗三分二，但眼見重口味唔收得，添叔惟有痛下殺手，將最後十集戲大改特改，將好多強姦同施虐戲改晒，包括胡杏兒同陳自瑤被姦嗰部份；馬賽被姦直頭被刪走咗。至於祥仔嘅雞姦戲，據聞就仲研究緊要唔要。
|
本周最热文章
.gif)
576
0