廉政行动2016 马国明/陈展鹏/黎诺懿/郭嘉文/傅嘉莉

奀猪

日期：06/11/2015
活動：《廉政行動2016》開鏡儀式
嘉賓：馬國明、陳展鵬、黎諾懿、唐嘉麟、
郭子豪、郭嘉文、傅嘉莉、周志康、
蔣家旻、羅天宇、姚子羚、盧宛茵、
葉翠翠、郭少芸、馬蹄露、梁琤、
鄭丹瑞、姜大偉、李霖恩、于洋、
鄭子誠、李國麟、張達倫、陳嘉輝、
曾勵珍、伍國明、羅香蘭。
時間：14:00
地點：將軍澳電視廣播城一廠Common Room

奀猪

馬國明未聞入房三秒續約：可能我唔緊要
▪  on.cc  2015-11-06


▲ 馬國明出席新劇《廉政行動2016》開鏡拜神儀式。

藝人馬國明（馬明）到將軍澳電視城出席新劇《廉政行動2016》開鏡拜神儀式。

望與邱禮濤擦火花

雖然馬明直認目前連劇本都未收到，但第一次參與「廉政」相關劇的他大表期待：「呢個戲對我最中嘅吸引力係邱禮濤導演，我未拍過佢，一聽到導演係佢，我都未睇對手係咩人我就應承，希望會有火花，喺佢身上學到嘢。（想拍電影？）作為一個演員，咩都想拍。」

配音為配合角色

問到馬明今次可有後期配音的需要時，馬明就再重申現時熱播的無綫劇《梟雄》需配音是為了配合角色，要令觀眾合埋眼都感受到他是黃秋生的年輕版：「出咗街之後都有朋友問我係咪秋生幫我配，咁就即係成功咗，我哋係想做呢個效果，咁如果話想做到100%當然係搵秋生幫我配，但秋生唔會有咁多時間。」

而馬明被問到與無綫的合約時，他表示只有與公司初步洽商，因他仍與無綫有一段較長時間的合約，亦無聽聞過入房三秒決定續約的事，笑言：「我就冇遇過，可能公司覺得我唔係咁緊要。」


▲ 馬國明表示當知道邱禮濤係導演，未睇對手係咩人佢就應承拍。


▲ 馬國明重申佢喺《梟雄》嘅角色需配音是為了配合角色。


▲ 馬國明、陳展鵬、黎諾懿


▲ 齊齊切燒豬。


▲ 邱禮濤導演出席新劇開鏡拜神儀式。

奀猪

陳展鵬望闖影壇：尺度大啲
▪  on.cc  2015-11-06


▲ 陳展鵬同時齊拍三套劇集，真係忙爆喎！

藝人陳展鵬出席新劇《廉政行動2016》開鏡拜神儀式。最近展鵬確實分身不暇，加上《廉》劇，他現同時齊拍三套劇集，另外兩套分別是《城寨英雄》以及《巨輪2》，他說：「其實《廉》劇集數唔多，因為佢都係電視電影製作，電影手法拍攝，時間會易遷就啲。」

期待與邱禮濤合作

展鵬其實在去年都有參與《廉》劇系列，更大讚其角色好，加上今次是第一次與邱禮濤導演合作，自己亦非常期待：「睇佢電影就多，今次終於有機會合作。（希望拍電影？）梗係好啦，佢個尺度都比較大啲，電視劇又驚收信，希望今次可以做到啲喺電影方向嘅嘢。」

而提到拍攝臨近尾聲的《城》劇，展鵬就希望可以有更多時間和Budget完成：「呢套劇我可以同大家講，每集基本上都有一場打戲，兩集一場大打，每一個角色都要打，我哋拍得好開心，希望可以有多啲時間去再做好啲，但最衰係我21號要去日本拍《巨》劇，所以大家都好趕。」


▲ 陳展鵬出席新劇《廉政行動2016》開鏡拜神儀式。


▲ 陳展鵬話希望拍電影。


▲ 馬國明、陳展鵬、 黎諾懿


▲ 陳展鵬、姚子羚


▲ 大合照

奀猪

郭嘉文做女主角劇鬥陳展鵬
▪  on.cc  2015-11-07


▲ 真係估唔到。

無綫接連有花旦離巢，故急需換血並力捧一眾港姐小花！應屆港姐季軍郭嘉文當選不足三個月即獲高層曾勵珍欽點擔任其監製劇集《廉政行動2016》女主角之一，並與兩屆「星和視帝」陳展鵬有多場對手戲。《廉》劇昨日開鏡，她更被安排企中間，爬過同屆冠軍麥明詩及亞軍龐卓欣頭火速上位！

無綫最近致力栽培陳凱琳、蔡思貝及朱千雪等一眾港姐小花上位，擔演不少劇集的重要角色，應屆港姐季軍郭嘉文（Karmen）更在當選後不足三個月便爬過同屆的十優冠軍麥明詩及亞軍龐卓欣（Ada），獲無綫戲劇製作總監曾勵珍親自欽點，為其監製的《廉》劇演出女主角之一，並有幸與兩屆「星和視帝」兼今屆無綫頒獎禮的視帝大熱陳展鵬合作鬥戲。《廉》劇昨日進行開鏡儀式，Karmen除全程獲視帝陳展鵬傍實外，切燒豬時更獲安排企中間位，得寵程度可想而知！

前輩同場照企中間

當選不足三個月已火速擔正的Karmen開心地說：「好多謝公司畀機會，算係多戲份，一連五集去拍攝調查員嘅日常生活，再貫串成套劇，第一次對住咁多前輩，呢度任何一個人都係前輩。（今日企正中間？）其實男左女右，咁啱係女仔嘅中間啫！（怕唔怕上位上得太快？）都要睇自己嘅演戲天分，我希望努力唔會令大家失望，都想拎多啲經驗，再去試多啲唔同嘅劇集。」問到是否有傳冠軍麥明詩及亞軍龐卓欣不打算簽約無綫才輪到她冷手執個熱煎堆，Karmen說：「佢哋唔係唔簽，仲傾緊啫。其實大家都各有各忙，當選後都有唔同嘅慈善工作。（佢哋唔拍你先有得拍？）人人都有唔同興趣，好似Ada就鍾意唱歌咁，嚟緊台慶我哋就會四位一體一齊出現。」

另外，正拍攝無綫劇《城寨英雄》與《巨輪II》的陳展鵬，期待首次與邱禮濤導演合作：「睇佢電影就多，今次終於有機會合作。（希望拍電影？）梗係好啦！佢個尺度都大啲，電視劇又驚收信，希望今次可以做到啲電影方向嘅嘢。」

無綫力推夠新鮮

《廉》劇導演邱禮濤則對Karmen寄望甚殷，他接受本報電話訪問時說：「唔係隨便搵！想搵番新面孔，而且Karmen係無綫介紹，啱做就搵啦！佢個角色係一個新調查員，唔通搵個似40歲嘅人做咩！佢同陳展鵬有好多對手戲，係上司下屬嘅關係。（擔唔擔心新人難駕馭？）唔擔心，喺電視或電影圈有新面孔新鮮人係好事！」


▲ 郭嘉文咁快有機會擔正！


▲ 面孔新鮮的郭嘉文於《廉》劇飾演調查員，令她相當期待！


▲ 郭嘉文與一眾前輩進行開鏡儀式，卻獲安排靚位企正中間。


▲ 郭嘉文未卸任已獲欽點拍劇，跟「視帝」陳展鵬學嘢。


▲ 郭嘉文