列入「朋友以上 恋人未满」的征兆

royaljeli

最近因为一幅洪永城同黄翠如手拖手行红地毯嘅相，令巴打无限感慨，写下《每个男人心里面都有一个黄翠如》，内容大约系讲每个男人总有一个好Close嘅女仔Friend，当大家都认为你哋应该一齐时，你总会笑笑口话呢个女仔唔系你嘅对象，二人只系好朋友关系。但事实上，你唔多唔少都有钟意佢，只系你心里知道，呢个女仔完全唔当你系恋爱对象，所以根本冇可能一齐。

但唔系个个人都咁清醒，知道同呢位知己有冇机会发展成情侣。唔想一等再等，等到对方嘅「萧正楠」出现先如梦初醒，咁就要睇吓对方只当你系朋友时有咩征兆喇。





你会帮她佢做亲密嘢
例如帮佢抹鼻涕、帮佢睇牙齿有冇菜渣，除非你系佢男朋友，如果只系朋友，表示佢对你冇意思，因为佢喺你面前完全唔在乎形象。



佢喺人哋面前会好坦然认自己单身
如果对你有意思，喺其他人面前应该会表露自己感情系complicated，而唔系当你透明咁恨仔恨到出晒面。



佢喺你面前换衫都唔Care
唔好以为佢唔介意喺你面前换衫，即系向你默许，只系因为佢跟本唔当你系男人。



传讯息唔会多讲废话
佢可能会同你吹水，但唔会浪费笔默同你讲其他无谓嘢，例如暧昧嘅语句。



成日强调你哋系好朋友
无论对你定对其他人，都会强调你哋系好朋友、好兄弟、好姊妹，完。



话你十足佢阿哥或者佢老窦
系呀，当你系屋企人咁唔代表你可以同佢结婚成为家人，你有几可见啲女会同自己阿哥阿爸谈恋爱丫！



佢会希望揾到个男朋友好似你一样对佢咁好
好似你一样对佢咁好，但重点系其他人而唔系你。Sor9ry。



http://menclub.hk/gags/4970