《亞洲電影大獎頒獎禮》王菀之巴辣雞 睇高一線

aikowu

王菀之獲《亞洲電影大獎頒獎禮》提名角逐「最佳新演員」，她希望日後有機會嘗試更多不同類型角色，亦想與導演張婉婷合作拍攝文藝片。而評審主席張婉婷激讚她在電影中演技出色，笑指她做雞很神似。

王菀之繼在《第三十四屆香港電影金像獎》獲五個提名後，昨日她出席《第九屆亞洲電影大獎》記者會時再獲喜訊，憑電影《金雞SSS》入圍「最佳新演員」，她說：「好欣慰，係一個好大嘅恩典同祝福，有提名已經好感恩。」

過「肥年」爆衫
她表示加入影壇只有一年時間，要多謝合作過的導演和演員，希望日後可以繼續嘗試不同的角色。她又表示日前收看奧斯卡頒獎禮，被得獎者的致辭所感動：「自己嘗試抄低啲台詞，不過相信到時都係唔記得。如果冇機會上台，就靠網上補說。」問到是否已挑選戰衣出席《金像獎頒獎禮》，她笑言剛過了一個「肥年」，連衫也穿不上：「男友都話呢件着唔落咪着第二件囉！」

菀之坦言近期接到的劇本多以喜劇為主，問到會否轉走性感路線，她笑說：「之前嘅演出已經好性感喎，條底線底到冇得再底。希望有機會接拍張婉婷嘅文藝電影。」

可塑性甚高
身為評審主席的導演張婉婷得知後，大讚菀之入圍電影中的演出具水準：「估唔到佢做雞都做得咁神似，真係搶晒鏡。雞之中佢最搶，獲提名實至名歸。（佢話想同你合作！）我會諗喇！佢第一次做戲就做得咁好，普通話又咁好，估唔到做到咁巴辣嘅雞。佢好有一種鄰家少女嘅感覺，可塑性好高。」至於天王郭富城則擔任名人評審。

死神只峰

每一次扮醜啊

kclo51

开开心心就好。。