羅仲謙拒與楊怡生「 意外」

aikowu

羅仲謙專程返港宣傳無綫劇集，透露正於無錫拍電影，有幸與鞏俐及郭富城等實力派演員做對手戲，即使面對嚴寒也值得！對於女友楊怡被指因卵子問題而逼婚，阿謙笑指剛找到事業方向，故暫未計劃結婚。

羅仲謙、萬綺雯（蚊蚊）、岑麗香及朱晨麗等出席劇集《醋娘子》及《八卦神探》聯歡派對，兩劇演員齊唱聖誕歌，最近在無錫拍電影《西遊記之孫悟空三打白骨精》的阿謙專程返港，他拍攝時雖面對零度低溫，幸尚算適應。

同鞏俐鬥戲
該片紅星如雲，演沙僧的阿謙表示與鞏俐、郭富城、馮紹峰及小瀋陽不乏對手戲，問會否緊張得NG？他說：「淨係鞏俐未做到對手，都OK，我講普通話對白，佢哋讚我講得準，梗係啦！我練成百幾二百次！（偷師？）絕對有，佢哋都好有特色，我眼界大開，各方面都有增長。」談到有指35歲的楊怡因卵子問題逼婚，阿謙否認：「冇講過，依家先30歲，啱啱喺事業搵到自己條路，等各方面好啲先諗將來事，感情事我一向低調，但有啲事發生就會發生。（會發生意外？）唔會！（有冇同楊怡食飯做節？）屋企人都未見。（同楊怡預先過節？）一落機就見到你哋啦！」

蚊蚊思捷襯到絕
蚊蚊與緋聞男友李思捷同穿黑色情侶裝，忙於拍攝新劇《東坡家事》的她指聖誕要於工作中度過，但慶幸有拍檔歐陽震華（Bobby）相伴，更指劇組開工便不停食：「有啲危機感，已經肥咗，大家輪流萬歲，Bobby早兩日請大家做冬，我負責零食部，本身都好鍾意，有時見個箱冇貨就喺屋企拎老公嗰啲出嚟，有次老公屋企食薯片話麻麻哋，就叫我拎畀Bobby食，要將最特別同唯一嘅嘢畀佢。」至於香香拖行李篋到場，並指剛在馬來西亞出席粉絲活動，在當地逗留了兩日半，她說：「每次出Trip都係咁食，每次都肥兩磅。」

死神只峰

還有時間慢慢來