|
|
陳法拉BB離開大台之後，好多巴打都好掛住佢。其實唔捨得BB嘅，何止你哋，仲有Neway大少薛世恒。兩人六年情告一段落，唔止分手咁簡單，尚且還要簽一張「分書」——離婚協議。
今日有周刊報道指，去年同法拉BB分手嘅薛世恒，仍然難捨法拉。雖然有傳佢曾追求何傲芝，又經常開P獵艷廣邀圈中女星出席識新朋友，但揀來揀去仍未有一個合心水。原因就係法拉。
報道引述消息人士話，薛公子離婚後確曾同圈中女星拍拖，不過啲女仔頂唔順，好快就嗌分手，事關薛公子成日喺人前提起法拉，好似好放唔低咁。知情者仲話，薛公子同人講自己就快簽紙(離婚)，可以名正言順回復單身，仲叫班好友介紹女仔俾佢認識。之但係如果薛公子同新女伴三句唔埋兩句法拉，都好難發展落去喎。
不過咁，薛公子急住重入情場，同樣，曾經狠飛陳豪偷食林忠豪最後都係感情食白果嘅廖碧兒，亦一樣心急。36歲喇喎，年紀唔細，唔心急埋岸就奇啦。咁啱失婚薛公子又想識下新朋友，咁啱藝人黃長興分別同薛公子及廖碧兒都熟，近水樓台，黃長興亦樂得做雞仔媒人介紹兩人認識兼相睇。
就喺上周五(5號)，廖碧兒同薛世恒相約到黃長興位於木星街嘅法國餐廳「試食」，碧兒仲好識做咁拎埋支紅酒嚟。相睇飯局食足六個鐘，結果薛世恒飲到行唔到直線，碧兒亦飲到面紅紅。唔知今次見面後會否仲有下文？
|
|
发表于 11-9-2014 07:52 AM
变色卡
千斤顶
本周最热论坛帖子
4989 
78
