|
|
李思捷前女友王宝宝擁有33C豐滿上圍與24吋蛇腰，難得她不吝嗇誘人身材，計劃推出全裸藝術寫真！不過她沒有預李思捷份，笑言毋須對方給予意見。
李思捷前女友王宝宝（春卷）雖然未有加入書展寫真戰行列，但身材惹火的她隨時Ready大解放，全裸上陣拍攝藝術寫真！曾是無綫《美女廚房》美味天使的她表示當年公司曾幫她出寫真，現在自己有意再出：「唔想做一般嘅嘢，可能玩吓Cosplay或者全裸畀啲藝術家畫人體彩繪，人體彩繪仲可以同背景融為一體。（全裸唔尷尬？）唔會，我都想同相熟嘅藝術家合作，佢哋做人體彩繪藝術好難搵到Model。」至於可會擔心被當作o靚模，或是被拿來跟o靚模比較？她說：「我唔可能係模，都唔細啦（24歲），入咗行都9年！總之我出得嘅Style就唔同，唔會有人拎我同o靚模比較，自己嗰啲係藝術，雖然都有好多人話自己出嗰啲係藝術，不過我睇唔出係！（唔喺書展出係避o靚模？）唔一定要喺書展出，但有個攤位都好，同埋書展唔一定係畀o靚模。」
剝清光畀舊愛影
至於可會找舊愛李思捷操刀攝影？春卷說：「唔關佢事，影相都唔係佢專長。（叫佢畀啲Idea你？）梗係自己搞啦，都會同佢講嘅，但唔覺得佢會畀意見我，佢應該信得過我。（全裸都冇意見？）唔會啦，識我嘅人都知我作風係點。其實一直有人搵我出寫真，不過唔係我鍾意嘅Style，所以都推晒。我想做啲有藝術感嘅畀自己留念，自資都冇所謂。」她又透露沒有跟李思捷拍過親密照片，反而年少時拍拖有讓男友拍過裸照，還揚言不怕裸照流出：「影得都預咗，驚就唔好影！」
|
|
发表于 21-7-2014 07:25 AM
变色卡
千斤顶
本周最热论坛帖子
4989 
78
