梁洛施14歲之有米初戀 變肌男撻DaDa？

aikowu

「生命太短，沒時間留給遺憾。若不是終點，請一直微笑向前。」邊個忽然有感而發呢？原來係DaDa陳靜。咁邊個陪佢一直微笑向前呢？ 好有可能係呢位……梁洛施初戀男友、中葡混血兒Adriano Alves。今日有報道話，剛過牛一嘅DaDa，同Adriano撻著咗呀。

報道話，DaDa呢位新歡(亦係梁洛施初戀)今年28歲，家境不俗，澳門長大，同梁洛施青梅竹馬，當時梁洛施得14歲咋。當時兩人拍拖兩年幾，後來因為女方要入行簽英皇，呢段戀情就告吹喇。

報道話，當時Adriano好傷心，傷心到去咗美國讀音樂，畢業之後就返澳門搞音樂，而且同音樂人都混得幾熟，好似曹格、張智成等，加上Adriano把口氹人勁叻，好受女士歡迎，又鍾意操肌，不時於社交網貼大隻圖。去年係傳過Adriano同梁洛施復合，不過周刊報道就話Adriano其實另有目標，就係DaDa喇。最近Adriano牛一，喺澳門開P，DaDa亦有應邀出席，當晚更留至凌晨三點幾先捨得走。

據報道話，呢期Adriano同DaDa玩得好埋，而Adriano仲係認識楊紫瓊，即係初戀女友梁洛施同小小超嘅媒人，關係都幾微妙。DaDa就話:「平時佢(Adriano)叫我契姐，因為我真係太man喇，似佢家姐多啲，佢有女朋友0架喇，年幾前經朋友介紹認識。」DaDa仲話早前諗住搵Adriano幫手錄隻廣告歌，但最後冇用到。

泪王子

真性福哦。。

WipeYourEyes

男的很帅啊！

devilredcantona

爽了就好啊

yan_w

娱乐圈就是那样