【轉貼】 勁降呢 奀星價續 TVB 楊思琦慘做鍾嘉欣細媽
雖然被 TVB打壓，人工大跌超過 3成，但思琦妹話：「我好愛 TVB，都想繼續留喺無綫。」
真面目勁降呢 奀星價續 TVB 楊思琦慘做鍾嘉欣細媽
育有 2歲女兒卓穎的楊思琦， 7月將約滿 TVB，近日開始洽談續約，可惜無綫冇體諒思琦妹壓力，乘機壓價要她減人工，除踩楊思琦是單親媽媽失去觀眾緣，又數落冇家庭市場兼不再少女 feel為理由，提出減價三分一至奀星價續約。
馬死落地行，焗簽嘅思琦妹更被安排做鍾嘉欣細媽，爭 5年咋，陰功！
無綫繼續一台獨大，藝員冇出路，近日傾續約時紛紛被壓價，其中要獨力養女的 35歲楊思琦亦被打壓。據知與楊思琦傾續約的並非樂易玲等高層， TVB藝員科經理何其穎將思琦原本每個騷 3千元大減三分一至 2千，即係接近「𡃁妹」李綺雯及姚子羚等級數，而且傾談內容極之刻薄。知情人士透露：「何其穎同思琦妹講：『 sell你親子又唔係，少女又過咗、又冇乜劇上，你個位置都好尷尬嚇！』講到咁，思琦妹邊有得出聲吖！」
楊思琦與吳帥（右圖）分手，雖傳吳帥一直沒有盡父責，但思琦仍經常曬與 2歲愛女楊卓穎的美滿生活照，現實上卻遭公司壓價，生活艱難呀！ 
楊思琦前年由美國洛杉磯返港好大陣仗，無綫樂易玲和經理人專程接機，𠵱家就大跌價。
望留喺無綫
雖然楊思琦做過女一又叫紅過，但近年因感情問題而形象大跌，即使產女後重返 TVB已 2年，但重用程度已大不如前。復出兩年才拍到劇集《大藥坊》，在劇中更要演阿媽級，飾演下月就 30歲的鍾嘉欣細媽，做韓瑪利老公杜燕歌「妾侍」，打扮老成，戲分不多。
據知楊思琦復出後接商場騷亦被壓價，每次只得 1至 2萬，而最近在電影《黑色喜劇》中演出，更只得 6,000蚊一日。
上週六她出席一個兒童學習中心活動時回應：「我知大家好關心，個約仲傾緊，到時話畀大家聽啦。」問到被 TVB壓價，是否寧願返內地發展，她就強顏歡笑地說：「冇啲咁嘅事！我好愛 TVB，當然大陸都係可以發展得好好嘅地方，但會考慮喺無綫囉。」至於超平價接騷，她表示：「係人都想用平啲嘅價錢㗎啦，幾錢我唔清楚喎，公司接嘅。」她承認 TVB暫時未安排新劇給她，認為在《大藥坊》演妾侍是一個挑戰，唔介意咁話，思琦姐勝在 EQ高囉！
 網上圖片
錢國偉與思琦有一場床上戲，錢導更臨時要求加接吻戲，明益自己。
冇怨言
 本帖最后由 PrinceSam 于 27-3-2014 08:46 PM 编辑
| 
发表于 26-3-2014 06:58 PM
变色卡
千斤顶
楼主
.gif)
本周最热论坛帖子
5857 
113
