杜汶澤unfriend list：劉華、君如、小寶、阿姐

alancari

黃秋生今日話叫我哋查下有幾多人同阿澤仲係朋友，咁講真佢拍完《無間道》紅咗之後真係語無倫次、得罪人多稱呼人少，但係佢信咗佛之後已經謙虛番好多，全行都知佢曾經得罪嘅劉德華同吳君如，依家都已經friend番晒啦！

劉德華
當年杜汶澤仲喺林建岳嘅寰亞電影，監製過電影《伊莎貝拉》，佢見套戲咁好成績仲入圍柏林電影，諗住叫岳少同劉德華再投資拍續集，不過佢哋唔肯開，有傳阿澤喺背後鬧佢哋「正契弟」，搞到劉華嬲到收返原本租畀佢間屋。不過而家兩個冇事啦，劉華係民間特首嘛，咁大方，梗會原諒佢㗎！

爾冬陞(小寶)
2010年，阿澤同時拍緊爾冬陞套《鎗王之王》同埋電視劇《女王辦公室》，當時監製方平同阿澤度期，當然兩邊走搞到啲期好麻煩啦，有傳爾冬陞即場爆粗鬧阿澤。

蔡卓妍（阿Sa）
當年阿Sa同鄭中基拍緊拖，阿澤唔抵得阿Sa成日打電話叫中基返屋企，竟然搶咗佢個電話鬧阿Sa係「八婆」，事後阿Sa知道公司要簽佢，都忍唔住問Mani做咩要簽呢啲人。不過之後佢哋坐同一班機，阿澤主動同佢say sorry，大家又冇事啦。

汪明荃
又係拍《女王辦公室》！因為當時阿澤要求每日只係拍12個鐘，連阿姐都未有咁大牌有咁嘅要求，當時問阿姐，佢話：「可能佢係客人啦，我年紀大捱到呀嘛。」事後，阿澤都有好謙虛咁承認自己係有咁嘅要求，仲話自己好尊重阿姐添。

吳君如
君如簡直係阿澤恩師，係佢邀請佢入商台一齊做節目嘅，不過最後阿澤成日寸寸貢兼衰多口，仲要得罪埋君如心目中嘅男神劉德華，搞到佢都忍唔住要unfriend阿澤，但係呢幾年又做返朋友，兩個仲成日互撐對方喎！

其實當年同阿澤由friend變唔friend嘅，仲有黎明、杜琪峯、曾志偉等等等等。不過都係傳聞中的名單，不如秋生同大家分享下。

devilredcantona

都是好友啊

舞猫猫

一定是讲笑的

siu_siukeong

人红是非多...

chinsinyong

赚到钱最重要

泪王子

好朋友就爱讲笑

Raylee1984

都是宣傳 XDDD

RingRingRing

就friend来friend去

sifuking

小朋友的举动 - 唔同你好，然后又好返~哈哈

erheng

看广东话新闻真的好辛苦 =/=

woshipig苹果

最恐怖的莫过于得罪媒体！