|
|
全國政協十二屆二次會議，噚日喺北京正式揭幕，當中唔少擔任全國政協委員，都係來自演藝界及運動界知名人士，包括成龍、趙本山、馮小剛、陳凱歌、韓紅、宋祖英、姚明及劉翔等，令議會場外星光熠熠，每逢有名人明星出現時，都吸引大批傳媒及圍觀者蜂擁上前採訪及影相留念。
見慣大場面兼又不時講錯說話嘅成龍，進入會場前冇回答提問，但包圍住佢嘅人數眾多，令秩序大亂，成龍不時叮囑大家小心，其間佢仲想出手拉實一位快將跌底傳媒。
另外「高人一等」嘅姚明，可謂遠遠都被發現，佢索性放慢腳步行入會場，但仍感到辛苦而呼一口氣。抵達會場後，眾政協委員都可以鬆一口氣。
平日喺演藝界係大哥大身份嘅成龍，同姚明一齊行時，就被捕捉到好似大人同小朋友行街嘅有趣畫面，令人不期然諗起去年曾志偉同姚明喺高爾夫球場合照，以及汪明荃與姚明合照嘅有趣場面喇﹗
|
|
发表于 5-3-2014 07:22 AM
变色卡
千斤顶
本周最热论坛帖子
2189 
57
