|
|
王敏德同名模馬詩慧（Janet）嘅20歲索女王曼喜（Kayla），乖乖女偶爾陪伴爸媽出席活動已經好搶鏡，星味甚濃，而且原來佢仲好鍾意夜蒲。去年中已被本報拍得佢主動出擊，喺老蘭狂冧曾經係A&F男模嘅衞蘭舊愛Roger。Kayla唔單止投懷送抱錫錫，仲當街煲煙吹水，事後馬詩慧表明唔like女兒食煙。
之後王曼喜一度變番乖乖女，但原來佢除咗冧仔，仲對同性感興趣。噚晚十點幾，王曼喜同一長髮但外型又有幾分男性化嘅洋妞現身中環荷李活道文武廟附近一家酒吧談心，當時兩人先坐在露天位置傾密偈。傾到咁上下，兩人坐的士去咗西環堅尼地城近海皮下車，之後兩人開始拖手仔，跟手再去7仔買嘢飲，王曼喜仲買咗盒麥精。
買完喇，兩人拖手行去海邊，再度談心。當時長髮洋妞似乎好傷心，又好似喺度喊，王曼喜即攬實佢，搓手搓腳及大髀，之後兩人再激吻儼如熱戀中男女，非常親熱。
兩人傾咗廿分鐘左右，記者上前拍照，當時洋妞同王曼喜對望一眼，大吃一驚，然後一個向左走一個向右走。記者問王曼喜:「拍拖呀？」王曼喜唔出聲，只係嗌咗句:「Oh my god!」然後就開始打電話疑似向王敏德求救。只聽到佢講咗句:「Mother俾我出嚟0架!」
講完之後，仍驚魂未定，行來行去，但原來洋妞喺前面等佢。之前兩人去到洋妞附近嘅屋企樓下。記者問:「你哋頭先好親熱喎!」王曼喜即謂:「凍呀嘛!」洋妞本沉默不語，最後忍唔住講咗句:「Good job!」之後兩人咬耳仔，洋妞先上樓，王曼喜就一個打的返家。
|
|
发表于 17-2-2014 07:27 AM
变色卡
千斤顶
本周最热论坛帖子
2093 
56
