Keroro軍曹占卜揪出懶精

卡蜜拉

大大話話「侵略」?藍星（即係地球）四年有多，K隆星五位精銳部隊Hea緊無所事事，隊長Keroro軍曹每日砌模型煲碟逍遙快活；請?個咁?下屬，老闆激死未天光是也！事實上整個藍星打工族，存在唔少Keroro軍曹型懶精，各位老闆不妨試?呢個「Keroro軍曹占卜」，見工時偷偷計?條數，可能助你揀到好人選也未定！




占卜方法：
將出生年月日的最尾個位數相加，找出自己的類型。例：1976年10月18日出生，6+0+8=14，1+4=5，所屬類型便是「Tamama二等兵」。





K隆部隊大決算：

1、8 Keroro

2 Kululu

3、5 Tamama

4、7 Dororo

6、9 Giroro




















K隆人事部
Keroro軍曹 好食懶飛
非常錫身的Keroro軍曹，本質聰明反應快，潮流觸覺十分靈敏，可惜聰明大多用在「怎樣令自己花最少時間得到最多?數」上，就好似龜兔賽跑中的兔仔一樣，偷懶走精面，缺乏鬥心與學問根基，除非特別好運，否則多數事倍功半，輸畀勤力老實的龜仔，愛理不理的態度仲相當令老闆?心！

Giroro伍長 火爆衝動
做事認真又有「火」，本來是件好事，但Giroro型打工仔似乎火力太猛，不但處事衝動，令上司下屬日日要食珍珠末定驚，而且愛挑戰權威。本來正義感強、有?句講?句都係好事，之不過實在太一針見血，成為上司的「頂心杉」，幾叻幾本事都只會功高蓋主，好難有好前途?！
  
Tamama二等兵口甜舌滑
模樣可愛的Tamama，屬親切可人的世界仔女，懂得見人講人話，又非常健談風趣，因此人緣甚好，仲好識哄老闆歡心。可惜Tamama打工族生性八卦且口疏，經常收集同事情報然後「發揚光大」；而且太識睇風頭火勢，對於權力鬥爭中弱勢的一方變臉速度奇快，十分世態炎涼！

Kululu曹長 陰濕自保
城府甚深的Kululu曹長，平時對人溫文而保持距離，令人猜不透其心思，這正是其最得人驚之處！Kululu從來不會置自己於危險位置，專門慫恿別人做炮灰，自己則隱藏實力，適當時機才發圍，攻人於措手不及。雖然Kululu通常都係公司的隱藏超勁員工，但實在太難控制，好難得到老闆信任。

Dororo兵長 乖巧勤力
Dororo係每個老闆心目中的夢幻員工：勤力精乖，肯學肯做，蘊藏真材實料之餘不會功高蓋主，而且好使好用，一個抵三個！但Dororo都有底線，若然老闆本身卸膊吞泡、刻薄員工，Dororo覺得份工做落去都無前途，就會頭也不回，甚至出手搞革命！

ling2930

Dororo兵長 乖巧勤力
Dororo係每個老闆心目中的夢幻員工：勤力精乖，肯學肯做，蘊藏真材實料之餘不會功高蓋主，而且好使好用，一個抵三個！但Dororo都有底線，若然老闆本身卸膊吞泡、刻薄員工，Dororo覺得份工做落去都無前途，就會頭也不回，甚至出手搞革命！