客家山歌

请把各位知道的客家山歌写下来, 谢谢。

1.上山看到藤纏樹,下山看到樹纏藤,藤死樹生纏到死,樹死藤生死也纏.
2.上崎唔得半崎坐,手攬膝頭唱山歌,人人喊涯風流子,命帶桃花沒奈何.
3.米篩篩米米在心,阿妹戀哥要真心,莫學米篩千隻眼,愛學蠟燭一條心.
4.落水出日假天晴,上陣無心假紮營,發夢交情空歡喜,買官來做掛空名.
5.摘茶要摘兩三皮,三日沒摘老忒哩,三日沒見阿妹面,一身骨節鬆忒哩.
6.你來愛我我愛你,.....
...

7.
喊涯唱歌就唱歌
喊涯打魚就落河
打魚唔驚水按深
唱歌無驚人按多
8.
食酒愛食竹葉青
採花愛採牡丹心
好酒食來慢慢醉
好花緊採緊入心
9.
挑擔愛挑竹擔竿
中央挑來兩頭彎
阿妹有話當面講
搭信朋友總係難
10.
日頭落山一點黃
牛麻帶子落坡塘
奈有牛麻不惜子
奈有阿妹不惜郎

創新流行歌
11.細妹按靚
細妹按靚 細妹按靚 就像介一枝花
白白的牙齒 紅紅的嘴唇 目珠啊會講話
細妹按靚 細妹按靚 勝過介牡丹花
標準的身材 甜美的笑容 實在呀得人惜
紅花有介葉來遮 細妹仔按靚愛麼儕
我生的斯文又後生 愛我不會差 愛我不會差
12.客家本色
唐山過台灣(南洋) 無半點錢 煞忙打拼耕山耕田
咬薑啜醋幾十年 唔識埋怨
世世代代就按樣勤儉傳家
二三百年無改變 客家精神莫忘掉 永遠　永遠

時代在進步 社會改變 是非善惡充滿人間
奉勸世間客家人 修好心田
正正當當作一個良善个(GE)人 就像恩个老祖先
永久不忘祖宗言 千年 萬年

請參考
台灣漢興傳播公司
中國客家人社區