台山方言

台山話屬粵語四邑方言片，係四邑話嘅代表語言。好多情況下台山話就係四邑話嘅代名詞。

台山話

使用地區: 中國大陸廣東省四邑地區

港澳、東南亞等華人社區

主要分佈: 啲*廣東省江門市

使用人口: 廣東省四邑地區同國外華人社區中嘅的華人
語系:
　語族:
　　方言大區:
　　　方言片:
　　　　語種: 漢藏語系
　漢語
　　粵語
　　　粵語四邑片(四邑話)
　　　　台山話
目錄 [隱藏]
1 分布範圍
1.1 江門五邑介紹
2 語言特點
2.1 語音
2.2 語法
2.3 辭彙
3 代表語言及方言
3.1 花絮：日月潭
4 注釋



[編輯]
分布範圍
台山話（四邑話）主要分布喺中國大陸廣東省江門市（原稱四邑，後因鶴山加入改稱五邑）嘅新會、台山、開平、恩平四縣（市），以及江門市區、鶴山嘅部分地區，大陸以外嘅華人社區（尤其是北美）。江門市區講帶有好多五邑話發音特點在內嘅白話。

[編輯]
江門五邑介紹
江門五邑流通的一般都係台山話同白話。台山係一個著名的僑鄉﹐海外台山華僑130萬﹐台山本地區人口110萬。出名的藝人﹐如Beyond樂隊的黃家駒兄弟﹐陳百強等等都係台山人。

[編輯]
語言特點
[1]台山話（四邑話）係粵語各種方言中相當之具有特色嘅一種，與廣州話差異明顯。差異既表現喺語音上，也表現喺辭彙上。

[編輯]
語音
同標準粵語一樣，台山話保留咗許多古漢語語音嘅特點。在某啲方面比標準粵語保留嘅成分更多。例如，它完整保存咗四種入聲，「北白伯百」四個字音調都唔同（粵語中百、伯同音）。

台山話共含9個音調，參考粵語音調分別記為陰平/陰去（衣/意）、陰上（倚）、陽平（移）、陽上（以）、陽去（易）、中入（百）、陰入（北）、低陽入（伯）、高陽入（白）。採用五度標音法時，這啲音調嘅調值分別爲33、55、11、21、32、33、55、21、32。同粵語相比，調值有所改變，合併咗陰平和陰去，而原來合併為中入音嘅低陽入則保持獨立。

聲調表[2] 聲調 陰平 （中平） 陰上 （高平） 陰去 （中平） 陽平 （低平） 陽上 （低降） 陽去 （中降） 陰入 （高促） 中入 （中促） 低陽入 （低降促） 高陽入 （中降促）
調值 33 55 33 11 21 32 55 33 21 32
粵語調值 55/53 35 33 21/11 13 22 5 3 3 2
編號 1 2 1 3 4 5 6 7 8 9
代號 ? - ? * > ' ? - > '
漢字舉例 衣 椅 意 移 以 易 北 百 伯 白
拼音（標示調類） yi1 yi2 yi1 yi3 yi4 yi5 bak6 bak7 bak8 bak9
國際音標（標示調值） ji33 ji55 ji33 ji11 ji21 ji32 pak55 pak33 pak21 pak32

此外，台山話仲有變調現象，主要包括三種情況：

升變調，將一字嘅調值在最尾升到最高。除陰上和陰入外，其他音調都可以升變調。除入聲外仲有4種可升變調嘅音調，令到實際發音嘅調式增加4種：
33->35 如：學生33証->學生35[3]
11->15 如：金錢11->工錢15[4]
21->215 如：該21（呢/哩）->該215（呢度/哩度）[5]
32->325 如：話32說->講話325
而入聲變調時，會在最尾一字後尾加上一個e55音節。甚至有時非入聲字變調亦可拉長出一個e55出來，意思不變。例如該21欸55=該215。 呢種變調應用廣泛，常用於名詞詞尾（包括單音詞）。學者鄧鈞認爲相當於現代標準漢語嘅兒化現象。

因爲欸e55呢個字有時跟喺動詞後面做助詞，形式上同升變調相似，亦有類似簡化為音調改變嘅現象，因此需要辨析。例如：跟欸我=跟著我，講得快都會變成跟35我。這種情況因爲欸字有語法含義所以同名詞嘅變調唔多相同。至於兩種形式相似嘅變調係咪有聯繫則未有結論。

高平變調，將一字嘅聲調根據原讀音係咪入聲分別變爲陰上或陰入，調值55。用於某啲辭彙，往往因為台山話嘅33調值部分對應於粵語嘅55調值，因此喺部分辭彙中沿襲音調。例如「上高」（上面）後一字音調同粵語。此外，這種變調喺標準粵語中亦廣泛存在。
低降變調，將一字的聲調根據原讀音係咪入聲分別變爲陽上或低陽入，調值21。特點如下：
可用於對現有嘅字進行轉義，如竇字用於「窩」、「洞穴」等意思或作量詞時使用低降變調，用於其他含義用正常調值32。
有時被變調嘅字意義完全唔變，但喺不同嘅配搭有不同嘅讀法。例如「章魚11」嘅魚字唔變調，「墨魚21」嘅魚字變調。
被變調嘅字可以出現喺詞語開頭。例如：木32工->木21頭
低降變調後仲可再升變調，如「買魚215」。
此外，仲存在一啲零散嘅變調現象。台山話嘅變調研究目前尚不充分，處於歸納階段，關於何時使用何種變調，仲未有好明確嘅總結。

台山話將古音以t為聲母嘅字（如打）變成零聲母，因此會有大量零聲母嘅字。當呢啲字跟住一個鼻音音節時，就會連讀成一個音節。另外還有一些類似的音變。

此外，某啲字詞往往有文白兩種讀音，而部分字詞嘅發音沿襲或仿照粵語發音而唔係跟循本地發音。

[編輯]
語法
台山話喺語法方面一個突出嘅特點，就係人稱代詞單複數的表達。同標準粵語以及現代標準漢語唔同，它唔用詞尾（粵語「哋」，標準漢語「們」）區分，而喺通過變調、變音等內部屈折來表示。另外，指示代詞中表示「呢」和「呢度」的「該」，表示「果」和「果度」的「恁」亦通過屈折來區分[6]。

人稱代詞：我??i33（單）->我??i21（複）；你ni33（單）->你niεk21（複）；佢k'ui33（單）->佢k'iεk21（複）；另有一個「非特指第三人稱」代詞，相當於「人哋」或者「第個」：惗niεk55，可以單獨用，亦可以組成「人惗」，意思一樣，無單複數。注意其發音除音調外同複數嘅「你」相同但意思完全不同。
指示代詞：該k'?i21=呢 -> 該k'?i215=呢度；恁nen21=果 -> 恁nen215=果度
疑問代詞：乃nai21=邊 -> 乃nai215=邊度
曡用形容詞方面，台山話可以將兩個字重疊，其中一個升變調，以表示程度。一般第一個字變調，表示程度加強，第二個字變調，表示程度減弱。如「紅紅」可以表示「非常紅」（紅15紅11）或者「有啲紅」（紅11紅15），取決於邊一個字有變調。

兜字係台山話特有量詞，粵語和標準漢語均作「棵」。粵語量詞「啲」被細分成兩個，倷（nai55）和伱（nit55）程度不同，前者要比後者表示更多嘅數量，至於「啲多」就變成「伱子」（nit55du35）

句法方面，大部分同粵語相同，但下面呢個係台山話特有嘅句型：

我都聽唔見句。（我一句都聽唔到）
[編輯]
辭彙
以下詞彙為台山話部分特有詞彙和俗語：

打暴：第一次
法嚹：窿嚹，法字讀陽上（21）。
險過老鼠噬貓鼻：俗語，形容極度危險。
斧頭唔大柄大：俗語，形容某件事情次要部分的開銷比主要部分的還高。
三個狗仔數過夜：俗語，比喻做事慢。
跟著好人做好人，跟著生婆學拜神：生21婆，即神婆，替人作法事或算命看相等嘅女人。
喃譕佬遇到狗—冇細符：歇後語，喃譕佬，指專門替人作法事的道士或和尚；冇細符=沒辦法，同粵語冇嗮符，但在此細字語帶雙關。
未見過大蛇屙屎，生鷄漏蛋—少見多怪：歇後語，生鷄指未經閹割的公鷄。（粵語亦有大蛇屙尿一說，但呢個較爲完整）
[編輯]
代表語言及方言
台山話（四邑話）係以台山台城鎮為中心嘅，越偏離這個中心嘅發音就越接近於粵語粵海片（廣州話）。因此，鶴山與江門市區嘅口音更接近於廣州話。台山話嘅代表語言為水步話，發音同白話嘅區別比其他台山話更加大。

[編輯]
花絮：日月潭
台山話中日同月兩個字好容易造成混淆，但這兩個字並唔同音，甚至差別唔算好細。但係由於各地方言嘅差異，開平赤坎片嘅方言中月字嘅讀音啱好同台山水步片方言中日字同音。咁啱向開平市操這兩種口音嘅人都好多。於是「三個月」嘅個字常因連讀省略，同「三日」混淆。遇到此情況，請務必要對方講清楚，中間係咪有個「個」字，因爲「三個日」係不合語法嘅。呢度對初學者來講係一個可能會遇到的「潭」（氹），故名為「日月潭」。

[編輯]
注釋
↑ 本節主要參考咗鄧鈞（開平赤坎人，湖南省語言學會會員）主編嘅《開平方言》一書，該書主要闡述開平方言赤坎片的方言，但大多數同時適用於標準台山話。呢本書由湖南電子音像出版社2000年3月出版，無ISBN號，國內出版號ISRC CN-F10-00-0008-0/A?H
↑ 台山話嘅入聲同所有地方嘅入聲一樣，都有-p、-t、-k三種韻尾。
↑ 實際發音等同粵語陰上音
↑ 實際發音類似粵語陽上音，即本例中錢字嘅粵語音調
↑ 實際發音類似標準漢語上音
↑ 由於台山話各方言片差異幾大吓，因此向度列出嘅發音僅供參考。就以人稱代詞來講，各地嘅差異就非常明顯。但基本規律係一樣嘅，屈折嘅方式亦大體一致。

leon5181

謝謝啊...........