無綫腰斬五集《膠遊記》 佘詩曼另一半就要出現

aikowu

噚日剛過39歲生日嘅佘詩曼，今日聯同黎耀祥、陳蕊蕊等人到旺角朗豪坊出席修身中心旗艦店開幕剪綵，穿上one piece裙稍稍露肩，仲現身少少事業線。見佢曬得一身古銅色肌膚，原來早前佢同親友包括細佬一行人去咗蘇梅玩，玩咗三四日。至於噚晚，阿佘就同湯盈盈、梁靖琪、文頌嫻、周家蔚等好姊妹飯聚賀牛一。

阿佘話:「今年生日好開心，因為唔使開工，可以有足夠時間同每一班朋友及家人度過。」不過下一年生日就四字頭喇喎……阿佘笑笑口道:「燦爛嘅人生先至啱啱開始!呢個年代冇分年齡0架喇，做人最重要係開心健康。」

咁幾時有另一半出現？阿佘笑道:「就嚟出現0架喇！冇得急嘅，好嘢梗係慢慢來。」佢又話家陣內地同外地都有幾套劇搵佢拍，無奈撞晒期，公司幫佢揀緊。阿佘笑道好想拍，寧願唔瞓都拍，但撞期就真係冇計喇。

同場嘅祥仔黎耀祥被問到今日有報道指，大台有感於《膠遊記》收視低，驚影響六月世界盃收視，故暗中下令cut走5集，即由50集變成45集，更命令知情者封口。之前有份主演《載得有情人》，但臨時被抽起改播《膠遊記》嘅祥仔話:「我真係唔知，但係其實係兩批唔同觀眾(《膠遊記》同世界盃)，應該冇影響。佢哋決策嘅人有自己嘅決定0架喇。」

devilredcantona

还是很美啊

i_Phantom

好期待～～～

yan_w

有一班好姐妹庆祝

eddiechuah4607

靓！！！