澳洲都俾人偷拍？ 張家輝師奶買菜look 霆鋒無啦啦中伏

alancari

情人節當日，霆鋒同張家輝向世界出發——一齊去澳洲10日，拍霆鋒主持嘅飲食節目《12道鋒味》，張家輝仲打頭陣做嘉賓。張家輝更笑言自己唔會煮嘢食0架，只係諗住係休息幾日，純粹係去hea，據知仲係唔收錢嘅添。

咁佢兩個去咗邊度拍嘢呢？原來係塔斯曼尼亞，有人仲影到佢兩個去買餸準備煮飯，仲去咗露天市集影人煮嘢食，又訪問下啲途人旅客咁。張家輝仲化身「住家男人」，左右兩隻手拎住各一袋唔知係菜定香草，靜心等待霆鋒試食，條腰帶仲有大大個「BADBOY」字樣。

兩人拍攝期間，遇上疑似內地fans，死跟兩人同攝製隊，結果跟到霆鋒同佢助手落酒吧。該網民仲貼咗張圖，但暗暗紅紅樣都睇唔清，並寫道:「跟著張家輝就能堵到霆鋒，不打擾喇，我就說他會去bar吧!」

霆鋒助手即澄清謂:「你不知道就不要亂說！我們是在開會！不是去酒吧！好嗎？」有網民勸佢唔好嬲，其助手即回覆:「還有我們不是在酒吧裡面，我們是在一個賭場餐廳裡面，又怎麼説成酒吧呢？拜託你們不要亂說吧！我沒生氣，只是告訴你們實情。」

devilredcantona

很酷啊。。

泪王子

还是很帅哦。。

sifuking

两位都很有型哦~

sifuking

牛仔裤还写BadBoy~

刘璃

霆锋还真的很帅下

Jack0128

我的偶像叻，他身材很好，而且也是一个顾家好男人