|
|
無綫藝人梁靖琪（Toby）大前年跟拍拖未夠一年的圈外有米男友黃敏豪（Aaron）閃婚，不料近日驚爆兩人已「閃離」，協議離婚且分居大半年！搬返娘家居住的Toby坦言離婚原因是性格不合！然而昨晚她仍有相約Aaron跟父母食飯，看來二人再見亦是朋友！
將轉職邵氏擔任高層的梁家樹，其女兒梁靖琪（Toby）於2011年12月在洲際酒店行婚禮，下嫁身家逾億的富家子黃敏豪（Aaron），不料近日卻驚爆兩人已經「閃離」兼秘密分居8個月。昨日記者聯絡Toby，她親口承認已分居大半年，並透露兩人主要原因是性格不合：「回想起當時其實都決定得好快，只係識咗一年就求婚，然後就結婚，因未夠了解而結婚，因了解而分開。」結婚期間曾受緋聞困擾的她，問到緋聞是否離婚導火線？Toby一再強調：「唔關事，雙方都冇第三者，所謂緋聞都係工作啫！Aaron都好明白。」
和平分開
對於婚姻只維持年多，她說：「可惜！到決定嗰一刻真係好無奈！」她稱曾跟對方嘗試盡力挽救婚姻，雖然未能成功，但分開後仍是好朋友：「有問題出現時曾一齊搵過解決方法，不過唔得。（邊個提出離婚？）我哋係一齊決定，和平分開，冇話邊個提出。」她又表示受家人影響，都很想生BB：「無奈段感情行唔到尾。」雖然遇上婚姻問題，不過Toby未有刻意隱瞞父母及好友：「父母同身邊啲好姊妹都知，佢哋都支持我嘅決定，亦明白我。」談到有否因離婚出現財產分配問題，Toby說：「冇！大家經濟獨立，財產各歸各。」正因為Toby經濟獨立，因此她毋須問丈夫取贍養費。Toby又謂之前跟Aaron一起居住的清水灣物業由對方持有，現時暫時放租，她則已搬返娘家居住。
瘦咗一圈
昨日記者聯絡梁家樹，他表示對於愛女離婚大感可惜：「作為父母，知道呢個消息點會開心，都會擔心小朋友嘅婚姻，不過後生仔女有自己一套處理感情嘅方法。」他又謂之前曾聯絡過Aaron：「有搵過女婿（Aaron）傾過，同佢講過夫妻相處要好大嘅遷就，佢都有聽我講，不過既然性格同生活模式夾唔到，分開都冇辦法。」他又謂Toby雖然已搬回家住，但因工作繁忙，怕太夜歸家影響家人，因此亦有在外面租住寓所。
受「分訊」影響的Toby未有刻意收埋自己，還趁大年初四休息相約Aaron及父母「一家四口」到九龍城打邊爐，見她身形明顯瘦了一個圈，精神還可。當傳媒向她拜年時，Toby只笑笑口面對，不過見到大家險撞到其他車輛，她也叫大家要小心，由父親駕車離開寓所。約晚上十時，Toby與Aaron一齊步出火鍋店，二人雖然已經分居，但關係仍不錯，問及分居8個月一事，她指他們因了解而分開，她說：「我哋性格不合！」此時，Aaron在旁表示二人經常有相約食飯，問到既然關係不差，可有復合機會？Toby說：「將來既嘢唔講啦！」而Aaron則稱多謝關心，二人分道取車離開。
|
|
发表于 4-2-2014 11:33 AM
变色卡
千斤顶
本周最热论坛帖子
4107 
70
