谐趣俚语杂锦

lyetc

谐趣一：
知唔知男人有几多种叫法？其实我自己都唔知，因为多到数唔清，下面就列举几个：
最正路就系叫男人
社交称呼都叫先生
死咗老婆嘅叫寡佬
钟意呃女仔嘅叫金鱼佬
下流猥琐嘅叫咸湿佬、麻甩佬
乡下嚟嘅叫乡下佬
国际友人叫鬼佬
有啲女仔气嘅叫乸型
唔中意女人而钟意男人嘅叫基佬
条件好嘅未婚男士叫钻石王老五
冇女朋友嘅光棍（喺BBS叫光光)
　
谐趣二（IIA级）：
其实粤语用嚟闹人嘅非粗口都有几多词咖，下面摘录咗一少部分，不过你哋千其唔好乱咁用呢啲词闹人啊。
“茂理”——指傻傻地嘅人。
“木嘴”——同“茂理”其实差唔多意思，都系指一个人傻傻呆呆，不过木嘴侧重于形容一个人嘅外表，而“茂理”侧重于形容一个人的内在。
“粉肠”——“粉肠”系当你睇唔顺一个人时用嚟形容佢嘅，意思都係话佢唔叻得去边。
“顶你个肺”——处于粗口嘅边界，意思同某一个粗口词差唔多，不过语气较轻。
“废柴”——形容一个人系废物。
“碌葛”——形容人好似粉葛一样呆笨。
“水鱼”——畀人揾笨嘅人。
“懵盛盛”、“戆居”——蒙查查
“卖剩蔗”、“萝底橙”——大姑娘30几岁都重未有如意郎君，噉就叫卖剩蔗、萝底橙喇。
“收皮”、“收爹”——都有叫人收声，滚开嘅意思。
“孤寒”——吝啬,缩骨。
“拾吓拾吓”——“傻吓傻吓”，傻傻地。
“洗衫板”——唔使问都知道系形容身材差嘅女士啦。
“死蠢”——相信系人都知道系好唔耐烦噉闹人地蠢啦。
“瘦骨仙”——形容人瘦骨嶙峋。
“骑咧”——形容古灵精怪嘅人。
“Call Lao Ye”——来自京剧“可恼也”，呢个词大家都应该听得唔少，系“岂有此理”嘅意思。
教住咁多先算嘞，费事你哋学坏。
　
谐趣三：
歇后语欣赏
鸡食放光草——心知肚明
山草药——噏得就噏
绣花袋仔——人人啱
屎坑关刀——文（闻）唔得，武唔得
天堂尿壶——全神贯注
神台猫屎——神憎鬼厌
红番排队去洗手间——语无伦次（羽毛轮厕）
红番排队开大——伦敦（轮蹲）
　
谐趣四：
表示“行、走”有几种讲法？
松：“松人”，走得开心，走得愿意
撇：单用，一个“撇”字就可以表示“我走了”嘅意思，《大话西游》里面就系用呢个“撇”字表现唐僧讲嘢嘅简短。
勐：呢个字其实同个“撇”字完全一样意思。
闪：如果自己话“闪开”，就有“逃走”嘅意思，如果人地叫你“闪开”，就有赶你走嘅意思。
糴：跑，见《半斤八两》歌词赏析

飞

谢谢分享，楼主，可以贴多一些歇后语吗？
因为很多歇后语都是没有听过和不明白的。

shishi

哇~你好犀利喔..好多字我o既中文之星都打唔出来o既...
你係咪用仓颉o既?

shishi 于 10-5-2004 01:05  说 :
哇~你好犀利喔..好多字我o既中文之星都打唔出来o既...
你係咪用仓颉o既?

應該係倉頡再加相關字型軟件，例如：華康仿宋體？

我估咋。
再唔係，就係。。。造字？

Scaredcloud

噏得就噏，吾怕风湿

随口噏，当秘笈

老公扑扇 -- 凄凉
老婆担遮 -- 阴公
牛皮灯笼 -- 点极吾明
非洲和尚 -- 乞人憎